Defisiente Ida Nia Luta Featured

“Karik hau bele”

Tempo Timor - Moris ho kondisaun físika ne’ebé la sufisiente, maibé luta nafatin, oinsa bele manan ksolok loron ohin nian.

Marilia Bernate Monteiro tinan 35, nia kondisaun fizika la hanesan ho nia feto maluk sira, basá nia liman no ain karuk sofre hela moras ida ne’eb’e mak labele book an livremente. Nia hela iha uma ne’ebé uluk indonesia sira husik hela iha área Pato, Lospalos (Rumah Sangat Sederhana- RSS) Lautém.

Defisiensia liman, sai problema ba Marilia atu fera rai hodi kuda modo, nune’e nia sosa tutan deit husi agrkultór sira nia modo.

“karik hau nia liman mak diak hanesan ema seluk, hau bele halo to’os rasik hodi kuda modo no ba faan iha merkadu” dehan nia hodi hamnasa mihis.

Marilia nudar oan dahuluk husi familia, maibé nia kondisaun halo nia sai ikun ba ema hotu.

Kesi modo hodi hein sosa nain sira, ida ne’e mak feto fuuk isin morena ne’e nia knaar loro-loron.

Liman ida deit mak servisu tanba liman karuk la iha kbiit hodi kaer servisu todan eh kmaan.

Sosa Kanko iha agrikuktura iha Heler (HELER, Bee moris ne’ebé agrikultór sira halo kantadeiro) maske kondisaun ne’ebé la hanesan ho nia maluk feto sra seluk, maibé, atu katak tan saida, nia tuba rai metin hodi halo buat ne’ebé produs osan.

Biar kondisaun namlele iha ema nia matan, maibé fiar aan naftin hodi la’o.

Kondisaun lá’os parede hodi satan nia hakat.

Iha kada Sexta-feira madrugada, molok loron matan lees kalohan lorosa’e nian, nia (Marilia) tenki hader sedu ba merkadu, hodi sosa tutan modo ne’ebé mak agrikultór sira mai faan iha merkadu, atu nune’e nia bele fa’an tutan iha barraka ki’ik ida ne’ebé nia halo iha uma oin.

Aktividade ne’e, nia halo husi tinan 1999, wainhira nia idade sei nurak .

“hau faan lá’os foin, maibé desde hau ki’ik” dehan Marilia Bernate, iha nia uma RSS (Rumah Sangat Sederhana) Lospalos Lautém. 

Liman ne’ebé aleza, dalaruma halo nia la iha kbi’it hodi leba buat todan, tan ne’e nia husu tulun ba nia alin ka ema seluk ne’ebé bele ajuda.

"dalaruma ha’u sosa modo barak iha merkadu entaun ha’u husu ajuda alin sira atu lori, tanba ha’u nia liman karuk ne’e labele bo’ok aan" dehan feto isin morena ne’e.

Osan hirak ne’ebé nia hetan liu husi fa’an modo ne’e, nia ba sosa buat ne’ebé nia presija. 

Antes ne’e, tuir Marilia, nia mós servisu iha igreja São Paulo Lospalos, maibé tanba nia kondisaun halo nia muda nia servisu hodi fa’an modo.

Maske todan, maibé ida ne’e mak Marilia halo hodi moris rasik iha nia ain leten.

Kontribuitór Tempo Temor- Muaa-hotxawa.

Rate this item
(0 votes)
Last modified on Thursday, 28 February 2019 08:52
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com