Tempotimor (Dili)-Ministériu Saúde (MS) deklara iha tinan 2025, tenke hapara moras Tuberkulose (TB) iha Timor-Leste, ne’ebé hala’o iha Munisípiu Ermera.

Tempotimor (Dili)-Prezidente Komisaun Nasionál Kombate HIV/SIDA, Atanasio de Jesus hatete, dadaun ne’e sira konsege rejista ona kazu HIV/AIDS (human immunodeficiency virus/acquired immunodeficiency syndrome) hamutuk 1.582 iha Timor-Leste.

Tempotimor (Dili)-Diretór Rekursu Umanu Minsteriu Saúde, Augostu Joaquin Pinto hatete, Ministériu Saúde (MS) kontratu tan ema na'in-141 atu haforsa servisu saúde nian iha programa Malaria, Tuberkulosis (TBC) no Human Immunodeficiency Virus (HIV).

Tempotimor (Manufahi)-Administradór Munisípiu Manufahi, Arantes Isaac Sarmento promete, sei halakon moras Tubercoluse (TBC) iha Munisípiu Manufahi.

Tempotimor (Dili)-Diretor Jerál Prestasaun Saúde (DJPS) Ministériu Saúde (MS), Nilton do Carmo informa, dadus husi Fundu Global hatudu, kada tinan moras Tuberculose (TBC) afeta timoroan kuaze ema rihun-6.

“Iha Ázia Timor-Leste mós sai hanesan númeru mortalidade nomós morbilidade ho turberkulozu ne'ebé mak aas, ita haree iha dadus ne'ebé relata husi fundu global hatudu katak, kada tinan Timoroan bele sofre TB maiszoumenus liu 6 mill”, dehan nia iha Novu Torizmu, Lisidere, segunda (09/08).

Husi rihun 6 ne'e númeru rihun mak hetan mortalidade ho morbilidade ne'ebé aas, tanba ne'e Minestériu Saúde nomós parseiru dezenvolvimentu atu hamutuk, la'ós atu hapara maibé hamenus moras liuhusi ninia transmisaun nomós bele kura moras ne'e rasik.

“Moras ida ne'e aas tanba iha fatór sira ne'ebé ita haree, ita-nia deteta kazu ne'e sei menus tanba husi dadus ne'ebé mak iha, ita foin atinje númeru pursentu 40”, esplika nia.

Ho númeru ne'ebé iha hatudu katak, Moras TB mais afeta ba sidadaun sira iha nível médiu mai kraik hanesan kbi’it la’ek sira hatudu pursentu 83 ne’ebé hasai osan rasik ba halo tratamentu.

Nune'e mós númeru vulneravel ba TB sei aas husi ema  ne'ebé konsumu tabaku, alkolu nomós númeru kontak TB iha uma laran.

“Presiza mós ita atu tau atensaun oinsá mak iha família ida iha TB no ita bele eduka sira no fó hanoin sira lala'ok oinsá bele hapara meius de transmisaun”, dehan nia.

Maibé presiza haforsa sistema referal husi fatin ne'ebé iha fasilidade saúde sira no ba saúde sira seluk, tanba ida ne'e fatór ida ne'ebé importante bainhira identifika no labele husik de'it tenke halo tratamentu ne'ebé adekuadu ba pasiénte ne'e rasik.

Aliende ne’e kapasidade rekursu umanu nomós kapasidade atu halo teste, tanba ida ne'e haree halo ona, maibé presiza ema hotu nia servisu hamutuk atu mellora liután sistema ne'e hodi bele hamenus númeru hirak ne'ebé iha Timor-Leste. (*)