Tempotimor (Dili)- Aliansa Universitáriu Timor-Leste (AUTL) hamutuk ho Movimentu Universitariu Timor-Leste (MUTL) sujere ba governu atu hapara Serka Sanitária (SS) hodi hamosu regra rigurozu ba prevensaun Covid-19.

Aliansa no Movimentu estudante ne’ebé ejize governu, tanba serka sanitária ne’ebé aplika durante ne’e halo estudante barak sai vítima.

Tanba ne’e, halakon Serka Sánitaria hodi loke espasu ba estudante sira bele asesu ba ai-han, no osan husi Munisípiu hodi atende ba nesesidade.

Portavoz AUTL, Francisca da Silva hatete, governu kontinua de'it Estádu Emerjénsia, Serka Sánitaria halakon ona, impórtante tau regra rigorozu hodi kontrola prevensaun Covid-19.

"Husu ba Governu atu labele extende tán serka sanitária (SS), maibé mantein de'it ho estadu emerjénsia (EE), impórtante rigór iha implementasaun rápidu iha kontrolu", deklara Francisca iha Liceu-UNTL, kuarta (28/04).

Husu mós ba Ministru Ensinu Superior Siénsia no Kultura (MESS, Longuinhos dos Santos atu reativa aula prezensial, importante koopera ho reitór sira hodi kria mekanizmu aproriadu iha situasaun.

Nune'e mós, Movimentu Universitáriu Timor Leste (MUTL) ezije ba Konsellu Ministru hodi loke hikas dalan públiku husi kapitál ba Munisípiu.

"MUTL husu ba Konsellu Ministru atu foti desizaun hodi loke hikas dalan públiku ne'ebé husi kapitál ba Munisípiu atu nune'e estudante bele foti hahán no osan hodi uza ba nesesidade bázika responde ba sira nia estudu", dehan Portavoz MUTL, Mauraco Coli.

Haree ba situasaun epidemiolójia iha Timor-Leste mak, obriga Prezidente Repúblika (PR), iha loron 31 fulan-marsu 2021 dekreta estadu emerjénsia ba dala-12 no sei kontinua ba dala-13. (*)

Tempotimor (Dili)-Polisia Nasional Timor-Leste (PNTL) deteta komunidade sira iha Kapitál Dili dezobediénsia ba regra serka sanitária ne’ebé Konsellu Ministru aplika ho objetivu atu prevene no mitiga surtu Covid-19 iha Timor-Leste.

Tempotimor (Dili) - Governu liuhusi reuniaun Konsellu Ministru deside ona atu estende tan Serka Sánitaria no konfinamentu domisiliáriu obrigatóriu iha Munisípiu Dili, Baukau no Vikeke.

Tempotimor (Fatululik) - Relasiona ho aplikasaun serka sanitária iha munisípiu Covalima ne'ebé halo komunidade la sai husi rezidénsia, mak ema iresponsavél aproveita situasaun hodi na'ok fasilidade balun iha Eskola Bázika Filiál (EBF) I no II sékulu Taroman.

Tempotimor (Dili)- Ai-leba José Pires leba malus sai husi uma Suku Kamea, Postu Administrativu Cristo Rei, hodi fa’an iha Dili laran to’o namlek maibé laiha ema ida mak sosa, tanba situasaun serka sanitária no konfinamentu domisiliáriu obrigatóriu iha Kapitál nasaun.

Tempotimor (Dili)- Grupu rua husi joven sira iha área eis Merkadu Komoro tuda malu iha loron 17 fulan-marsu tinan 2021, kuaze tuku 22:00 otl, maske Governu implementa hela serka sanitária no konfinamentu domisiliáriu Obrigatóriu iha Kapitál nasaun.

Tempotimor (Dili) - Estudante sira ne’ebé hela iha Kapitál nasaun sente triste no hetan impedimentu tanba serka sanitária difikulta sira foti osan husi família hodi selu propinas eskola no alojamentu (osan selu kost).

Tempotimor (Suai) - Moris nu'udar povu aileba nia ona, sempre hasoru dezafiu oioin, hanesan mós foinsa'e ida ho naran Elizário Moniz (18) ne'ebé hala'o estudu iha Eskola Sekundária Jerál Suai, dadaun ne'e tenke na'ok nú hodi augenta moris, tanba serka sanitária no konfinamentu domisiliáriu.

Tempotimor (Dili)-Haree ba númeru kazu ne'ebé kontinua aumenta iha Dili no Baukau, Sala Situasaun-Sentru Integradu Jestaun Krize (SS-SIJK) deside ona hodi halo estensaun ba serka sanitária (SS) iha Dili, possibilidade mós aplika ba Munisípiu Baukau.

Tempotimor (Dili)- Komúnidade barak hobur iha Sentru Integradu Jestaun Krizi (SIJK) hodi tarata dokumentu viajen ba Munisípiu nian.