Tempotimor (Dili)-Ekipa Sentru Intergradu Jestaun ba  Krize (SIJK) Pilar 3 hala’o teste swab ba membru Pólisia Nasionál Timor-Leste (PNTL) ne'ebé destakadu iha Kuartel Jerál, Kaikoli Dili, kinta (06/05).

"PNTL tenke obrigatóriu Swab tanba sira iha primeira liña ne'ebé mak loroloron enfrenta hela ho komunidade sira”, hatete Portavoz Komandu Jerál PNTL) Superintendente xefe Arnaldo de Araújo, iha Kuartel Jerál PNTL Kaikoli Dili, kinta (06/05).

Ordem Komandu bazeia ba rezulusaun governu númeru 15 artigu 8 e 10 ne'ebé mak hatete obrigatoriumente sidadaun tenke swab no dekretu governu númeru 14 medida prevensaun surtu Covid-19 inklui implentasaun Estadu Emerjénsia (EE) ba dala-XIII.

Tanba, liña frente presiza kuidadu mós saúde pesoál , institusaun inklui família, bainhira identifika pozitivu tenke kumpri kuarentena.

Husi observasaun www.tempotimor.com ekipa SIJK pilar 3 hahú swab ba membru PNTL iha oras 10: 05 otl.

Tuir informasaun, Komandu PNTL foti inisiativa hala’o swab tanba deskonfia iha asesor PNTL na’in-2ne'ebé dadaun ne'e pozitivu covid-19 no kumpri ona iha fatin kuarentena iha Dili.

"Ha’u bele hatete katak depois imi sei hatene saida mak akontese iha Komandu ne'e bainhira teste swab hotu tiha”, dehan Arnaldo. (*)

Tempotimor (Dili)-Sentru Integradu Jestaun ba Krize (SIJK) rejista kazu pozitivu Covid-19 foun hamutuk 52 no kazu ativu iha izolamentu 1050.

Tempotimor (Dili)- Sentru Integradu Jestaun Krize (SIJK) orienta Forum Organizasaun Naun Governamental Timor-Leste (FONGTIL) para servisu iha edifísiu, tanba funsionáriu na’in-2 infetadu pozitivu Covid-19.

Tempotimor (Dili)-Sentru Integradu Jestaun Krize (SIJK) iha loron 25 fulan-Abril tinan 2021 rejista ona kazu ativu Covid-19 iha sala Izolamentu ne’ebé estabele iha Timor laran tomak hamutuk 1016.

Tempotimor (Dili) - Sentru Integradu Jestaun Krize (SIJK) deteta tan kazu foun hamutuk 69 iha territóriu Timor-Leste, nune'e totál kazu ne'ebé ativu to'o oras ne'e hamutuk 956.

Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, CIGC-SS), Rui Maria de Araújo hatete, kazu detetatu foun hamutuk 69 ne'e, kazu 63 iha kapitál Dili, no 6 iha munisipiu seluk, ne'ebé kompostu husi mane 44, feto 25.

"Husi totál kazu detetadu foun asintomátiku 63 (91,3%), sintomátiku 6. Iha 64 (92,7%) mak deteta tanba halo teste ho razaun atu halo viajen ba Munisípiu hafoin deteta pozitivu", inform Rui liuhusi zoom conference, sábadu (24/04).

Maske nune’e, sira ne’ebé hetan rezultadu teste pozitivu husi grupu ne’e, maioria hela fatin iha duni cluster sira ne’ebé iha kazu detetadu barak iha Munisípiu Dili.

"Kazu rekuperadu ne’ebé ralata ohin, dia 24 de Abril 2021 iha 38 no totál kazu ativu iha 956", dehan nia.

Durante loron rua nia laran, sira ne'ebé halo testes PCR iha Laboratóriu Nasionál Saúde hamutuk 796, ho detalladu hanesan, Vijilánsia sentinela iha 62, Rastreiu ba kontaktu (Contact tracing) hamutuk 15, Rastreiu Aleatoriu (Random Screening) iha 227, viajen sai husi serka sanitária munisipiu Dili 430, viajen internasionál laiha, follow up iha quarentena hamutuk 62, teste follow up ba sira iha fatin izolamentu total 85, no na'in 38 negativu ona, maibé 47 sei nafatin pozitivu.

Tanba ne'e, nia kontinua husu ba públiku tomak atu nafatin kuidadu-an, kumpri mós regra sira husi MS ho OMS hodi evita progasaun surtu covid-19 iha TL.(*)

Tempotimor (Dili) - Durante semana ida hahú husi loron 16 to'o 22 fulan Abril 2021 ne'e, Sentru Integradu Jestaun Krize (SIJK) rejista kazu pozitivu covid-19 iha munisipiu Dili, ho nia prevalénsia sae ona ba pursentu 7.3 (7.3%).

Tempotimor (Dili) - Sentru Integradu Jestaun ba Krize (SIJK) konkorda ona ho família hodi halot mate isin Covid-19 OM iha Semitériu públiku Bekussi, aban loron sesta (23/04).

Koordenadór Destakamentu Reasaun Rápidu, Aurelio Sérgio Cristóvão Guteres hatete, ekipa jestaun óbitu ne’ebé kompostu husi Pilar I, Pilar II, Pilar VI, Ministériu Saúde nian inklui mós Ministériu Solidaridade Sosiál, Cruz Vermella Timor-Leste, vistu jestaun ekipamentu Obras Públikas konvoka reuniaun ho família matebian, hothotu konkorda ona, oinsá bele halot matebian ne'ebé foin hakotu iis iha Vera Cruz.

"Ohin ami ho família konkorda hakoi iha Semitériu públiku Bekussi no sei prepara rate, kaisaun ba ona iha Vera Cruz, depois hakoi tuir ita-nia kultura, tuir buat sira ne'e hotu”, dehan nia liuhusi telefone, kinta (22/04).

Matebian ne’e sei halot tuir prosesu protokolu Organizasaun Mundial Saúde no Ministériu saúde ne’ebé adopta.

Entretantu, Oan husi matebian, Evanjelista Mendonça Amaral, informa sira-nia parte halo enkontru ona ho SIJK, hodi deside matebian ba hakoi iha Semitériu pùbliku Bekussi

"SIJK deside ona katak, aban dadersan tuku hitu sei lori matebian ba tau iha uma oras ida, depois mak lori ba halot iha Bekussi", dehan nia. (*)

Tempotimor (Dili) - Sentru Integradu Jestaun Krize (SIJK) detetadu kazu foun pozitivu covid-19 na'in-57 no rekuperadu hamutuk 33.

Tempotimor (Dili) - Familia matebian Francisca Gama hamutuk ho ekipa husi Sentru Integradu Jestaun Krije (SIJK) halo tuir kultura iha semiteriu covid-19 Metinaro.

Tempotimor (Dili) - Sentru Integradu Jestaun ba Krize (SIJK) iha loron 20 fulan-abril tinan 2021 rejista tan kazu foun covid-19 hamutuk 84 no kazu ativu iha territóriu 725.