Tempotimor (Dili) - Prezidente Repúblika ofisialmente simu karta kredensiál husi embaixadór naun rezidente iha Timor-Leste.

Tempotimor (Dili) - Prezidente Partidu CNRT,  Kay Rala Xanana Gusmão la partisipa iha diálogu ho Prezidenti Repúblika, Francisco Guterres Lú Olo hodi buka solusaun ba impase polítika.

Tuir observasaun tempotimor.com komitiva CNRT rasik to'o iha Palásiu Prezidensiál Nicolau Lobato Bairru-Pité tuku 08:40 Otl.

Hafoin remata Inkontru, Sekretariu Jeral CNRT Francisco Kalbuadi Lay hatoo ona razaun Xanana lapartisipa iha dialogu ho Prezidenti república.

"Razaun hato'o ona pur-eskrita ba Prezidenti república," dehan Kalbuadi iha Palácio Prezidenti Nicolao Lobato Bairo Pite Díli, Kinta (23/01).


Membru partidu CNRT nee kompostu husi Sekretáriu Jerál Partidu CNRT, Francisco Kalbuadi Lay, Vise Sekretáriu Jerál, Virgílio Smith, Xefi Bankada CNRT, Duarte Nunes, Deputada Bisoi Mali no Maria Viegas.

Diálogu entre CNRT ho Prezidente Repúblika Francisco Guterres Lú Olo la'o hela no tuir oráriu remata sei kontinua ho Partidu KHUNTO.(*)

Tempotimor (Dili) - Konsselu Kombatente Libertasaun Nasionál hamulak ba rai lulik no matebian sira atu fó hanoin no tulun atu lider sira hakotu lalais impase polítika.

Tempotimor (Dili) - Arke Bispu, Dom Virgílio do Carmo, husu ba povu Timor-Leste tomak atu labele halo diskriminasaun hasoru xineza sira iha nasaun ne'e.

"Povu Timor labele ezazera demais ho Virus Corona, depois mosu diskriminasaun hasoru sidadaun xineza", dehan Amu Virgílio, iha Palásiu Prezidensiál, iha Palásiu Prezidensiál, Bairru-Pité, Sesta (31/1).

Nia dehan, importante mak Governu halo tuir protokolu sira ne'ebé estabelese iha mundu no buka kontrolu mós viajen estranjeiru sira tama-sai mai iha Timor.

Entretantu, liuhusi ninia embaixada iha Timor-Leste, Governu Xina hateten, agora dadaun, Timor-Leste sala izolamentu laiha, ai-moruk ba kura virus ne'e laiha, doutór ho esperiésia ba virus ne’e mós laiha.

Kuando xineza ne’ebe ho virus ne’e tama mai iha rai Timor mós hanesan buka problema ba sira-nia aan rasik, tanba laiha posibilidade atu kura nia-saúde iha Timor Leste.

Ne'e duni, povu Timor lalika trauma ka pániku, tanba xineza mós ta'uk mate, preokupa sira-nia kondisaun saúde. Se sira labele konfirmadu 100% sira-nia saúde di'ak, sira mós la brani atu mai iha Timor-Leste.

"Lalika trauma liu mas tenke kuidadu-aan. Keta ba book kolega xineza sira ne’ebé agora iha Timor, tanba durante virus ne’e mosu, sira iha hela Timor Leste, sira mós la lori virus ne’e ida. Sira mak ema inosente duni", dehan iha karta komunikadu ne'ebé www.tempotimor.com asesu. 

Nune'e, nafatin ba povu Timor tomak atu fiar ba servisu ne’ebé husi Estadu no povu Xina halo daudaun.

Vitima ne'ebé mate tanba Virus Corona, to'o ohin, Sesta (31/1) hamutuk 213 iha Xina.

Sita husi sítiu CCN, Komisaun Saúde Provínsia Hubei, Wuhan-Xina relata na'in 42 foin mate, husi totál ne'e na'in 30 iha Wuhan.

Nune'e, iha kazu foun hamutuk 1.220 iha sidade 27. Tanba ne'e, ema ne'ebé hetan ona virus ne'e hamutuk 9.356. (*)

Tempotimor (Dili) – La hanesan ho tinan hirak liubá. Selebrasaun Loron Proklamasaun Independensia ba 44, tinan ida ne'e, sei la'o ho simples. Maski nune'e, iha okaziaun ne'e, estadu sei fó kondekorasaun 74 ba veteranus no ema estranjeiru balun.

Vise Ministru Administrasaun Estatál, Abilio Caetano informa kestaun ne'e iha Palásiu Prezidensiál Bairru-pite, Dili, Segunda (25/11/19), hafoin hasoru Prezidente Repúblika.

"Atividade no lala'ok komemora 28 Novembru tinan ida ne'e, simples liu. Maibé, nafatin valoriza istóriku loron Proklamasaun ne'ebé tinan ne'e halo ba 44," dehan Abilio.

Nia esplika, sekuensia sei la'o hanesan baibain. Maibé, interkala ho kondekorasaun ba veteranus no ema balun husi rai liur, tuir dadus ne'ebé fó sai husi Gabinete Prezidente Republika hamutuk ema 74.

“Kona-ba kondekorasaun 74 ne'e, seidauk bele fó sai ba públiku. Tanba, sei hein iha loron 28 Novembru maka sai dala ida. Maibé, tuir dadus loloos iha 74 kondekorasaun,” nia hatete.

Abilio dehan, hahú husi loron 26 to'o 28  Novembru sei hala'o feira iha Centro Convenções Dili (CCD). Iha loron 27 Novembru maizumenus tuku 09.00 dadeer, sei hala'o mós misa agradesimentu iha Katedrál Imaculada da Conceição, Vila-Verde,Dili.

“Iha 28 Novembru selebra loron Proklamasaun Independensia ba tinan 44, sei hahú tuku 9.00 dadeer iha Palásiu Governu. Iha momentu ne'e, Prezidente Repúblika Francisco Guterres Lú Olo mak sei sai inspetór serimónia hasa'e Bandera RDTL,” Abilio informa.

Nia dehan, iha parte loraik, Prezidente Parlamentu Nasionál, Arão Noe mak sei sai inspetór serimonia iha seremonia hatún Bandeira RDTL.

Tempotimor (Dili) – Prezidente Repúblika Francisco Guterres Lú Olo bolu atensaun ba foinsa’e sira atu involve ativa liutan iha área hotu hodi nune’e bele partisipa iha dezenvolvimentu nasionál. 

Tempotimor (Dili) – Impasse polítika iha rai laran seidauk hetan solusaun. Bankada Aliansa Mudansa ba Progresu (AMP) iha Parlamentu Nasionál (PN), firme ho sira-nia posizaun. Bainhira membru Governu pendente seidauk hetan pose, laiha a favor ba Prezidente Repúblika (PR) halo viajen ba rai liur.

“Bankada AMP la autoriza Prezidente Repúblika ba partisipa Asembleia Jerál UNO iha Novaiorke, bainhira membru Governu pendente seidauk hetan pose,” afirma Vise II Prezidente Parlamentu Nasionál (PN), Luis Roberto ba tempotimor.com, Kuarta (18/09/19) iha Parlamentu Nasionál.   

Tuir Luis, ida ne'e realidade. La'ós tan aspetu seluk. Nia dehan, tanba impasse polítika mak mosu impedimentu ida para oinsá PR ho VIII Governu, bele tuur hamutuk hodi rezolve impasse ne'e.

Deputadu Bankada KHUNTO ne'e katak, viajen ba estranjeiru ne'e buat seluk ida. Importante liu mak rai laran.

"Iha impasse polítika ne'e, viajen ba rai liur ne'e, buat seluk ida. Importante liu, mak rai laran. Ita viajen ba rai liur mós imposivel ita mai, halo buat hotu. Importante mak ita nia nasaun ne'e, kuandu buat hotu la'o ho di'ak," nia afirma.

Luis dehan, politikamente halo impedimentu. La fó autorizasaun ba Prezidente Repúblika halo viajen. “Lei mós hakerek. Ne'ebé, ita hotu-hotu bazeia ba lei ne'ebé prevé tiha ona, la'ós Parlamentu Nasionál foti tuir nia hakarak. PN mós foti tuir lei ne'ebé prevé tiha ona," Luis esplika.

Tempotimor (Dili) - Impase polítika iha Timor-Leste kontinua la'o hafoin Orsamentu Jerál Estadu (OJE) tinan fiskál 2020 la pasa iha Parlamentu Nasionál.

Tempotimor (Dili) - Impase polítika ne'ebe dadaun ne'e mosu iha rai laran, nu'udar konsekuénsia husi malisan mina-rai.

Tempotimor (Dili) - Governu la funsiona normál hafoin Bankada Governu, Congresso Nacional Reconstrução Timor-Leste (CNRT) la vota afavór ba Orsamentu Jerál Estadu (OJE) tinan fiskál 2020.

Page 1 of 12

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com