Tempotimor (Díli) - Relasiona ho enkontru semanál Primeiru Ministru, Taur Matan Ruak ho Prezidente Repúblika, Francisco Guterres Lú-Olo, ko'alia kona-bá esforsu, oinsá atu Timor-Leste hetan vasina, Taur hateten, bainhira hakarak moris entaun tenki simu vasina.

Xefe Governu ne'e hateten, Problema la'ós prontidaun atu simu vasina, maibé ema ne'ebé hakarak salva vida ou lakohi mate, iha obrigasaun no tenki prontu, hodi simu vasina kontra Covid-19

"Ha'u hakarak moris entaun ha'u tenki simu vasina, ne'ebé ema hotu ne'ebé hakarak moris ne'e vasina iha ne'e simu, ida ne'ebé mak lakoi, hakarak mate lalais ne'e, bele bá uluk", dehan Taur ba Jornalista sira, iha Palásiu Prezidensiál Bairu-Pite, Díli, kinta (21/1).

Xefe governu ne'e akresenta, Ministériu Saúde planea hela, iha tempu badak sira sei haree, iha posibilidade atu hahú uluk vasina ne'e, husi RAEOA nomos área ne'ebé besik fronteira

"Informasaun ne'ebé daudaun ne'e ha'u iha, planea para atu ba Oecusse pois mak neneik ba iha parte fronteira tenki halo nomos iha Díli laran", Taur informa.

 Taur husu sidadaun hotu tenki koopera, atu labele prejudika ema hotu, tanbá númeru kazu Covid-19 iha nasaun viziñu indonézia hanesan Atambua no Kupang kontinua aumenta, tanbá Governu mos propoin ona ba PR atu deklara tan estensaun Estadu Emerjénsia.

"Dalabarak ita hanoin hanesan ne'e, bosok maibé haree didiak ne'e besik los ita, iha Kupan iha Atambua aumenta makas, entaun se la koopera sei prejudika ita hotu. Ha'u hanoin tenki koopera, ita boot sira hatene, iha tempu agora ne'e, sei halo tan estensaun ba dala sanulu", Taur hateten.

Hafoin remata enkontru semanál, Xefe Ezekutivu ne'e informa katak Prezidente Repúblika mos apoia planu hirak ne'e no husu ba governu atu kontinua tau matan ba fronteira, taka fronteira no sensibiliza sidadaun sira, atu kumpri regras protokolu ne'ebé mak Ministériu Saúde (MS) no Organizasaun Mundiál de Saúde (OMS) fó, tanba Ministériu Saúde nia moto mak, "Saúde Iha Ita Nia Liman Rasik".(*)

Tempotimor (Dili) - Relasiona ho enkontru semanál entre Primeiru Ministru ho Prezidente Repúblika ko'alia mós kona-ba esforsu hansa atu hetan vasina no Taur hateten, nia parte prontu atu sai ema ne'ebé dahuluk simu vasina.

Tempotimor (Dili)- Tuir planu iha segunda (18/01), Ministériu Edukasaun Juventude no Desportu (MEJD) sei hahú reativa fila-fali atividade eskola hotu iha Timor-Leste liu-liu iha prosesu ensinu aprendizajen nian, ne'ebé durante ne'e taka tanba surtu Covid-19 ho aplikasaun Estadu Emerjénsia (EE) ba da-sia.

Tempotimor (Dili)- Tuir relatóriu ne'ebé relata husi Unidade Polísia Fronteira (UPF), katak hahú iha loron 29 fulan dezembru to'o loron 12 fulan janeiru 2021, sidadaun timoroan hamutuk ema na'in-13 mak kontinua hakat mai área timor-leste ho dalan ilegál tanba númeru ema mate ba Covid-19 sa'e maka'as iha territóriu Indonézia.

Tempotimor (Dili)- Relasiona ho númeru kazu pozitivu Covid-19 ne'ebé hahú sa'e iha Timor-Leste (TL), nune'e governu liuhusi Ministériu Saúde (MS) husu ba autoridade kompetente sira atu 'aperta' iha liña fronteira hodi halo kontrolu ba sidadaun sira labele hakat liuhusi dalan ilegál.

Tempotimor (Dili)- Kazál Timor-oan konfirmadu enfrenta pozitivu Covid-19, ne'ebé oras ne'e kumpri hela iha kuarentena, Batugade, Munisípiu Bobonaro.

Tempotimor (Dili)-Vise Prezidente Bankada Opozisaun Congresso Nacionál de Reconstrução Timorense (CNRT) Patrocino Fernandes konsidera implememtasaun Estadu Emerjensia (EE) dasia, Povu barak hatudu sira nia reasaun la uza máscara, la kumpre distánsia pesoal no regra ijiene nian tanba governu inventa kazu covid-19 bainhira deklara EE.

Tempotimor (Dili)- Deskonfia mosu diskriminasaun iha regra Estadu Emerjénsia (EE) ba da-sia, Fundasaun Mahein (FM) konsidera governu la sériu iha nia implementasaun, tanba regra aplika deit povu kiik sira, maibé polítiku nain sira laiha.

Tempotimor (Dili) - Vise Primeiru Ministru, José Reis hatete Governu laiha intesaun atu politiza situasaun relasiona ho pandemia Covid-19 ne'ebé mosu iha Timor-Leste.

Tempotimor (Dili)- Ema balun duun Governu halo politizasaun ba moras Covid-19 iha Timor-Leste (TL), tanba ne’e, Primeiru Ministru (PM) Taur Matan Ruak husu fali katak, se Governu la foti medida hodi halo prevensaun mak ikus mai moras ne'e tama mai duni no da'et ba sosiedade iha rai laran, atu fó sala ba sé.