Tempotimor (Dili)-Konsellu Ministru (KM) aprova dekretu-lei ne’ebé aprezenta husi Minstru Obras Publika, Abel Pires kona-ba aprovizionamentu ba prestasaun servisu sira vijilánsia no seguransa infraestrutura sira ne’ebé krítiku, kuarta (12/04/22).

Tempotimor (Dili)-Governu liu husi Konsellu Ministru (KM) aprova rezolusaun Governu nian, ne’ebé aprezenta husi Primeira Ministra Interina, Armanda Berta dos Santos, ne’ebé fiksa vaga 866 ba promosaun pesoál integradu iha Rejime Jerál husi karreira sira Administrasaun Públika iha tinan 2022.

Tempotimor (Díli)-Governu liuhusi Konsellu Ministru (KM) ne’ebé husu estensaun Estadu Emerjénsia ba Prezidente Repúblika, Francisco Guterres ‘Lú Olo’ ho númeru 95/2021, 26 Outubru, hetan aprovasaun husi Parlamentu Nasionál (PN).

Tempotimor (Dili)-Ministra Saude (MS), Odete Maria Freitas Belo, husu ba funsionáriu públiku (FP) tenke agradese no orgullu hetan servisu iha administrasaun públiku, tanba timoroan barak hakarak servi maibé la hetan oportunidade.

Tanba ne'e, husu funsionáriu Públiku ne’ebé oras ne'e hetan ona oportunidade, tenke orgullu nafatin, hodi hola partisipasaun máximu iha komemorasaun loron nasionál Komisaun Funsaun Públika (KFP) ne’ebé sei realiza ba dala-hitu iha Timor-Leste.

"Ha’u hakarak atu dehan ita orgullu sai funsionáriu públiku, ema barak hakarak sai funsionáriu públiku maibé la hetan. Se ita iha oportunidade sai hanesan FP, loron KFP nian ne'e ita tenke mai, halo festa netik”, hatete Odete hafoin partisipa atividade Marsa Saudável iha Largo Lesidere, sábadu (10/07).

Komemorasaun loron nasionál ne'e la halo festa, tanba nasaun hothotu inklui Timor-Leste dadaun enfrenta hela situasaun kalamidade pandemia covid-19.

Maibé la taka dalan mós ba Komisaun Funsaun Públika no funsionáriu públiku tomak atu komemora loron inportante ida ne'e, liuhusi atividade hanesan la'o ain hodi bele fó saudável ba sira-nia an. (*)