“Ezisténsia husi proposta ida ne'e mak oinsá ita hotu garante atu iha família sira, iha oan bele kontrola no bele halo espasu entre oan sira, no labele oan sira barak liu fora husi sira-nia kbi'it rasik”, dehan Ministru Prezidensia Konsellu Ministru (MPKM), Fidelis Leite Magalhães iha Palásiu Governu kuarta (09/02).

Tanba informasaun ba métodu no fornesimentu meius kontrasesaun, traatamentu infertilidade, prevensaun moras husi tranzisaun seksual no rastreiu kankru jenital.

“Métodu Planeamentu familiár konstrui mós instrumentu privilejiadu ba defeza saúde inan no oan, prevensaun ba abortu no defeza saúde no kualidade moris família sira m-nia”, dehan Fidelis.

Polítiku ida ne'e ho objetivu atu adapta konseitu planementu familiár nia ne'ebé ho integradu no apropriadu kulturalmente ho kontestu Timor-Leste.

Nune'e ho konsiderasaun ba kompromisiu polítiku ne'ebé motiva ona adezaun nasionál ba planu asaun konferensia Internasionál ba populasaun no dezenvolvimentu.

“Planeamentu familiár importante tebes atu hamenus mortalidade inan ho empoderamentu inan-feton sira nia, hanesan liuhusi asaun akonsellamentu jenetiku no konjugál”, dehan nia

Projetu rezolusaun ba Planeamentu família ne'e aprezenta husi Ministra Saúde, Odete Freitas Belo. (*)