Servisu Sentru Saúde Vamase, Médiku Jerál Adelina Freitas hatete, stock ai-moruk inisiu fulan-janeiru tinan-2022 ne'e sufisiente, maibé to'o mai fulan-fevreiru komesa menus.
"Ai-moruk ba larabik hanesan saropeh ba labarik kabun moras nian mak laiha, koutri mós stock laiha, ho ema boot hotu, Amoksilin tablet, Amoksilin Saropeh laiha," dehan Adelina iha kna'ar fatin vemase, kuarta (09/02).
Maske, ai-moruk laiha, nu’udar pesoál saúde esforsu buka troka ai-moruk ne'ebé funsaun hanesan fó ba pasiente sira, maibé ba labarik ki'ik, la troka ai-moruk presiza duni ai-moruk saropeh hodi konsumu.
"Maibé to'o mai, dala ruma kazu hanesan presiza duni antibiotika, entaun ami husu pedidu lalais ba ami nia DHS ne'eba para fó netik oituan mai para rezolve," nia afirma
Ai-moruk ne'ebé hotu tuir regras kada fulan hato'o pedidu hodi sentru saúde sira hetan ai-moruk, maibé bainhira seidauk to'o fulan mak ai-moruk hotu, bele husu emerjénsia nian.
Nune'e mós, durante fulan-janeiru tinan 2022, iha sentru saúde vemase, rejistu moras ne'ebé númeru aas mak íspa no tuir tán dearea.
"Íspa iha fulan-janeiru ne'e, totál kazu hamutuk 217, mane iha 124, feto iha 93, dearea mane iha 14, feto 29, mak ita rejistu iha ne'e," nia imforma
Husi númeru ne'e, kompostu husi labarik to'o ema boot, maibé seidauk rejistu sidadaun ida mate.
Moras ne'e mosu, tanba ambiente ne'ebé iha komunidade nia hela fatin la duun moos, nune'e udan monu rai hamosu moras oi-oin. (*)
