“Tanba ne'e mak ha’u mai, ha’u hanoin ema lubuk ida iha ne'e ha'u nunka espera, ha’u hakfodak haree padre lubuk ida iha ne'e. E ikus liu iha Ermera ne'e ha’u tenke ko’alia dala ida tan kona-ba vasina tanba iha Ermera ne'e vasina sei menus liu, ha’u lahatene kala aumenta tiha ona ka seidauk”, dehan Horta hafoin partisipa selebrasaun aniversáriu Sentru Santa Bakita iha Suku Eraulo, Postu Administrativa Letefoho, Munisípiu Ermera, tersa (08/02).

Tanba vaisna nu’udar medida prevensaun ida ne’ebé sai dalan úniku hodi hasa’e imudade hasoru vírus ne’ebé nasaun sira iha mundu afeta hotu no halo ekonomia nasaun barak kuaze monu.

Ho ida ne’e, Horta rasik simu ona vasina dala tolu, nomós líder sira seluk iha rai laran no trrai liur, tanba ne'e sarani sira mós tenke tuir buat ne’ebé los hodi partisipa vasina atubele salva-an husi moras Gobal ne’e.

Nune’e husu ba komunidade sira ne’ebé durante ne’e utiliza mídia sosiál atu labele fiar informasaun falsu ne’ebé emainresponsabilidade lansa iha facebook hodi dezanima ema atu simu vasina no salva-an. (*)