Login to your account

Username *
Password *
Remember Me

Governu Husu Komunidade Partisipa Limpeza Jerál Kada Sesta

Ministru Prezidénsia Konsellu Ministru (MPKM), Fidelis Leite Magalhães. Ministru Prezidénsia Konsellu Ministru (MPKM), Fidelis Leite Magalhães. Foto Suplay

Tempotimor (Díli)-Ministru Prezidénsia Konsellu Ministru (MPKM), Fidelis Leite Magalhães husu ba sidadaun hotu atu partisipa asaun limpeza jerál iha kada loron sesta, ne’ebé partisipa funsionáriu orgaun no servisu administrasaun públika sira hotu iha nível nasionál.

“Governu apela atu mobiliza populasaun hotu atu halo parte iha realizasaun asaun limpeza jerál iha fatin públiku, bairru no sira nia hela fatin”, dehan Ministru Fidelis iha sala PCM, Palasiu Governu, Dili, kinta (03/02).

Inisiativa limpeza jerál hahú ona iha semana kotuk, sei hala'o mós iha loron sesta, 4 fevereiru tinan 2022, durante loron tomak.

Tanba númeru afeitadu ba moras dengue ne'ebé kontinua sa'e, Governu mós husu komunidade sira atu partisipa limpeja jerál ne’ebé sei hala’o kapaitál Dili.

Ministériu Administrasaun Estatal sei sai nu’udar responsável hodi divulga ba orgaun no servisu sira iha administrasaun públika nian, norma sira ne'ebé liga ba organizasaun no distribuisaun ekipa sira ba limpeza jerál.

Kampaña limpeza ne’e hanesan parte husi medida sira atu kombate surtu denge ne’ebé mosu kedan husi fulan-dezembru tinan 2021.

Ba kazu dengue dadaun ne’e rejista ona 1.407 no mate 22, tuir dadus ne’ebé fó sai husi Ministériu Saúde, munisípiu Dili afetadu liu, ho totál kazu hamutuk 925. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« September 2023 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30  

Tempo Timor Networks

Online Counter