Print this page

Espoza PR 'Hakarak' Governu Kombate Moras Lepra

By January 28, 2022 337
Espoza Prezidente Repúblika (PR), Cidália Lopes Nobre Mouzinho Guterres. Espoza Prezidente Repúblika (PR), Cidália Lopes Nobre Mouzinho Guterres. Foto Suplay

Tempotimor (Dili)-Espoza Prezidente Repúblika (PR), Cidália Lopes Nobre Mouzinho Guterres hakarak Governu liuhusi Ministériu Saúde (MS) no Profesionál Saúde sira atubele provida servisu saúde ne’ebé holistiku hodi bele kombate moras lepra.

"Husu Governu no Profesionál Saúde sira atubele provida servisu saúde ne’ebé holistiku inklui tau matan ba moras lepra”, deklara nia liuhusi karta komunikadu ne'ebe www.tempotimor.com asesu iha pájina ofisiál, sesta (28/01).

Relasiona ho selebrasaun loron mundial ne’ebé sei hala'o kada fulan-janeiru iha domingu ikus, mak Espoza PR konsiente katak, ba selebrasaun loron mundial ida ne’e hanesan biban di'ak ida atubele hafanun ema barak ba haforsa komprimisiu luta ba halakon moras lepra iha mundo no asegura dignidade ema afetado moras lepra sira atu labele iha diskriminasaun no stigma iha sosiedade. 

Tanba situasaun moras lepra nafatin deteta iha Timor-Leste no situasaun defisíl ne’ebe vítima afetadu moras lepra hasoru, ne'e hothotu presiza servisu maka’as atu sosializa. 

Ho ida ne'e, husu ba ema hotu tenke kontinua servisu maka’as hodi halo sosializasaun moras lepra ba komunidade no família tomak liliu ba moras lepra ne'e,  komunidade hotu iha Timor-Leste presiza hatoman-an ho hahalok buka asisténsia saúde ho sedu-liu mak di'ak liu molok mosu kondisaun moras sai todan liután.

"Ba maluk sira ne’ebé afetadu moras lepra, ita-boot sira la mesak, hamutuk ho maluk sira ne’ebé mak iha nia kompaisaun ba ita-boot sira no prontu apoiu wainhira ita-boot sira nakloke atu hakbesik ba maluk sira seluk”, esplika nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items