Print this page

EUA Fasilita Fasilidade Fase Liman ba Sentru Saúde Venilale

By January 27, 2022 543
Enkaregadu Negósiu interinu EUA, Thom Daley ho Diretór Unicef no Diretór Jerál MS, inklui entidade sira iha Baukau viziita hela fasilidade fase liman iha Venilale, kinta (27/01). Enkaregadu Negósiu interinu EUA, Thom Daley ho Diretór Unicef no Diretór Jerál MS, inklui entidade sira iha Baukau viziita hela fasilidade fase liman iha Venilale, kinta (27/01). Foto Tomas Freitas

Tempotimor (Baukau)‐Estadus Unidus Amérika (EUA) liuhusi UNICEF fasilita fatin  fase liman nian ba sentru saúde Postu Administrativu Venilale, Munisípiu Baukau.

Enkaregadu Negósiu interinu EUA, Thom Daley hatete, esforsu foun kona-ba bee moos, saneamentu no ijiene ne'ebé hanaran WASH sei hamosu rezultadu di'ak ba komunidade nia saúde no hametin kapasidade kolektiva hodi kombate covid-19 iha tempu badak nia laran.

"Ha'u haksolok, tanba WASH nia rezultadu sira la'os de'it responde ba surtu covid-19, maibé mós iha beneísiu ba tempu naruk nian hodi hadi'a kondisaun saúde enjerál iha sentru saúde ne'e (venilale)," dehan Thom, kinta (27/01).

Projetu bee moos ne'e permite TL ekipadu di'ak liu-tán atu hatán lalais ho efikas hasoru pandemia sira iha futuru.

Tanba ne'e, USAID finansia esforsu osan rihun US$ 500.000 liuhusi parseria ho Ministéiru Saúde (MS) no UNICEF, nomós ho sira seluk ne'ebé iha mundu tomak.

EUA kontinua servisu hamutuk ho Governu Timor-Leste hodi hametin sistema saúde atu povu bele seguru, saudável no rezilente liután, tanba pandemia sei la remata iha fatin ida bainhira lahalakon iha fatin hotu-hotu.

"Desde pandemia ne'e hahú, Estadus Unidus Amérika serbisu hamutuk ho Governu Timor-Leste fornese ona millaun US$ 5.9 resin iha asisténsia krítika hodi kombate covid-19 iha fornese vasina Pfizer hamutuk rihun 100.000," nia informa

Diretór UNICEF iha Timor-Leste, Bilal Durrani hateten, saneamentu bee moos no ijiene ne'ebé mak hanesan pilár xave prevene moras sira inklui mós infesaun.

"Tanba ne'e besi ne'ebé mak funsina ona iha ita nia fasilidade saúde nian ne'e uza didiak iha ita fatin saúde ne'e,"nia korajem

Nune’e, Diretór Jerál kooperativu Ministériu Saúde (MS), Marcelo Amaral, agradese ba Governu EUA ne'ebé fasilita tan fasilidade fase liman ba sentru saúde venilale.

 

"Ne'e la'os ba venilale de'it, ba sentru saúde sira iha Munisípiu Baukau laran tomak, fatin bee moos fase liman ba prevensaun covid-19 nian," nia afirma. (*)

Rate this item
(0 votes)
Last modified on Thursday, 27 January 2022 21:50
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items