Login to your account

Username *
Password *
Remember Me

Dengue Hamate Ema Na’in-18, Governu Foin Hakfodak Organiza Limpeza Jerál 

Ekipa Ministériu Saúde halo limpeza jerál iha Munisípiu Dili, momentu balun liuba. Ekipa Ministériu Saúde halo limpeza jerál iha Munisípiu Dili, momentu balun liuba. Foto Suplay

Tempotimor (Díli)-Governu ne’ebé lidera husi Primeiru Ministru (PM), Taur Matan Ruak, foin hakfodak organiza limpeza jeral durante loron ida tomak, aban, loron 28 fulan-janeiru 2022 hodi evita moras dengue.

Tanba dadaun ne’e moras dengue ne’ebé rejeita hamutuk kazu 972, hamate ona ema na’in-18, iha territóriu tomak.

"Kampaña ba limpeza ida-ne’e, hanesan parte ida hodi kombate surtu dengue nian ne’ebé Timor-Leste afeta, ho totál, kazu ne’ebé rejistu hamutuk 972 no mate ema na’in-18, tuir dadus ne’ebé fó sai horiseik husi Ministériu Saúde, Dili mak Munisípiu ne’ebé afetadu liu, ho totál kazu hamutuk 648”, dehan Ministru Prezidénsia Konsellu Ministru (MPKM), Fidelis Leite Magalhães ba jornalista iha Palásiu Governu, kinta (27/01).

Asaun limpeza jerál iha nível nasionál, sei hala’o husi funsionáriu sira órgaun no servisu administrasaun públika nian hotu no apela atu mobiliza populasaun tomak, liliu organizasaun sira sosiedade sivíl nian no eskola sira, hamutuk hodi hala’o limpeza jerál iha fatin públiku sira. 

"Alende ne'e apela ba sidadaun sira no autoridade lokál sira hotu, atu hamutuk hodi halo limpeza jerál iha fatin públiku sira no sidadaun sira-nia uma maibé mós husi ba sosiedade sivíl sira hotu”, informa nia:

Ministériu Administrasaun Estatál sei fó sai ba órgaun no servisu administrasaun públika nian sira, diretrize kona-ba organizasaun no distribuisaun ekipa sira ba limpeza jerál. 

"Purenkuantu orientasaun ida ne'e fó sai, ba aban loron tomak, agora ba semana sira tuir mai, ne'e hafoin reuniaun konsellu ministru sira kuarta agora mak, ami sei komunika desizaun ida ba ita-boot sira seraké halo semana semana ka, ka semana ida dala hira, detallu sira fó sai hafoin reuniaun Konsellu Ministru”, esplika nia.

lha sorumutuk tuirmai, Konsellu Ministru sei delibera kona-ba kontinuidade husi medida ida-ne’e, nune’e mós kona-ba ninia periodisidade. (*)

 

Rate this item
(0 votes)
Last modified on Thursday, 27 January 2022 20:43
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« May 2022 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter