Login to your account

Username *
Password *
Remember Me

Autóridade Baukau Sei Implementa Diploma Ijene Públiku

Autóridade Munisípal ne’ebé enkontru hela ho entidade sira iha Munisípiu Baukau, kuarta (26/01). Autóridade Munisípal ne’ebé enkontru hela ho entidade sira iha Munisípiu Baukau, kuarta (26/01). Foto Tomas Freitas

Tempotimor (Baukau)-Autóridade Munisípal Baukau sei implementa diploma legál kona-ba ijene ordem públiku ne’ebé bazeia ba sirkular Nu.01/ANBCU PAM/01/2022 24 fulan-janeiru tinan 2022 iha Munisípiu Baukau.

Jestaun Merkadu Munisípiu Baukau, Mario Belo hatete, konsidera dekretu lei Nu.33/2008 27 Augusto ne'ebé aprova konaba ijene no ordem públika iha artigu 4 fó kompetensia ba Administrador Munisípal atu fó servisu ba funsionáriu sira hodi bele implementa diploma legál.

Tanba, tuir avaliasaun no monitorizasaun iha merkadu vila nova Baukau komunidade sira hahú so'e foer arbiru iha sidade laran, animal barak husik iha área urbana inklui kuda batar iha sidade laran (terminal Baukau Vila Nova).

"Konsidera katak, Governu defini ona regras bázika ba konvivensia iha área zona urbana no mós mekanismu báziku ba fiskalizasaun hodi fó posibilidade ba Prezidente Autoridade Munisípiu Baukau atu impoin multa tuir imprensaun baze legál," dehan Mario, iha salaun VIP Administrasaun Baukau, kuarta (26/01).

Bazeia ba artigu 25 artikula ho Nu.01, artigu 31 dekretu lei Nu.03 2016 16 marsu, alterasaun ho dekretu-lei ho Nu.09 2018 09 abril, dekretu-lei Nu.54 2020 28 outumbru ho dekretu-lei Nu.04 2022 12 janeiru konjuga Nu.01 artigu 4 dekretu-lei Nu.33 2008 27 augustu.

"Mak informa, ba rai na-in no aluga rai baliza estrada públika fakar bee foer iha área urbana, taka esgotu bee nian iha estrada publiku, aluga fatin públiku hodi harii uma ga fa’an sasan mesmu provizóriu, labele halo barollu iha dalan públiku oras deskansa nian, labele husik foer iha fatin públiku, hamos animal nia foer sira, riska ga halo foer hodi estraga monumentu sira," nia informa

Tanba ne'e, Autóridade Munisípal liuhusi servisu Munisípal jetaun merkadu no turismu inklui guarda Munisípal sei koordena efetiva hodi hamutuk entidade seguránsa ezekuta medida hirak ne'e.

Matérial ne'ebé bainhira Autóridade Munisípal prende sei distroi no prosesu tuir dalan legál.

Nune’e, husu komunidade tenki hakiak animal iha área urnaba ho luhan ne'ebé adekuadu, bainhira kontra diploma legál ijene no ordem públika sei konsidera hanesan impratór no selu multa ba Autoridade Munisípal husi US$ 5 to'o US$ 5.00 bazeia ba gravidade kondisaun ekonomika impratora nian.

Prezidente Autoridade Munisípiu Baukau Olivio Freitas hatete, dekretu-lei Nu.33 2008 27 augustu ne’e, atu regula moradores sira husi vila nova to'o vila antiga atu labele halo foer sidade. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« July 2022 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter