Login to your account

Username *
Password *
Remember Me

Rogeiro Manuel Hakotu Vida ho Tara-Aan iha Baukau

Rogeiro Manuel Hermegildo Souza ne’ebé tara-aan hela ba Ai-teka, tersa (25/01). Rogeiro Manuel Hermegildo Souza ne’ebé tara-aan hela ba Ai-teka, tersa (25/01). Foto Tomas Freitas

Tempotimor (Baukau)-Rogeiro Manuel Hermegildo Souza ho idade-52 hakotu vida liuhusi tara-aan iha Aldeia Luliheni, Suku Bukoli, Postu Administrativu, Baukau Munisípiu Baukau.

Matebian nia kaben (Feen), Dulce Maria Florisia haktuir, iha loron 25 fulan-janeiru tinan 2022 maizoumenus tuku 05:30 (Madrugada) oras timor-leste, matebian sai ba liur laiha koiñesimentu ruma ba feen.

"Nia loke odamatan sai mai liur ha'u hanoin nia sintina, ha'u iha uma laran hein nia latama fali ba, nia sai jam 05 liu ne'e nia sai kedas mai," dehan Feen Kaben Dulce, tersa (25/01).

Nune’e, hein kleur ona, nia kaben mós sai hodi buka tuir no husu ihania maun alin sira, maibé matebian nia família sira hatan ba feen parte sira lahetan, tanba ne’e feen fila ba uma hodi lori labarik sira ba eskola.

"Ha'u liuhusi dalan ne'e (matebian tara aan ba) ha'u nia oan uluk ha'u tuir, tesik mai pas iha ai-hun ne'e, ha'u nia oan hateke, dehan ama, apa ba hamrik fali hanesan ne'e, ha'u haree, ha’u taka liman de'it ona," nia konta

Hafoin hetan matebian, nia kaben haruka nia oan sira ba fó hatene matebian nia maun alin sira hodi mai haree.

Nia dehan, antes ne'e, sira na'in-2 moris hamutuk laiha problema ruma iha uma ka’in laran, maibé derepente de'it hasoru akontese matebian tara-aan.

"Nia iha moras tinan 20-resin ona, moras parkinson nakdedar, nia moras hahú husi 1999, tanba ne'e, iha 2008 mak nia foin simu ai-moruk husi Ospitál," nia hatete

Komandu Polísia Nasionál Timor-Leste (PNTL) Munisípiu Baukau, liuhusi Inspektur Polísia Eskuadra Baukau Vila, Marcelino Fraga to'o kedas iha fatin akontesementu hodi halo ezaminasaun.

"Kazu tara-aan ne'e ohin dadersan, ami mai halo ezaminasaun ba fatin ne'e hatun tiha, entrega ba nia família," nia informa

Entertantu, matebian Rogeiro Manuel Hermegildo Souza husik hela nia feen ho nia na'in-7. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter