Print this page

MLTL Dezemina Informasaun Prevene Lepra ba Komunidade Baukau

By January 22, 2022 1121
Ofisiál Advokasia Misaun Lepra Timor-Leste (MLTL), Joel Costa dos Santos ko’alia hela ba media sira, sesta (21/01). Ofisiál Advokasia Misaun Lepra Timor-Leste (MLTL), Joel Costa dos Santos ko’alia hela ba media sira, sesta (21/01). Foto Tomas Freitas

Tempotimor (Baukau)-Misaun Lepra Timor-Leste (MLTL) dezemina informasaun ba komunidade iha Munisípiu Baukau atu prevene moras lepra.

Ofisiál Advokasia Misaun Lepra Timor-Leste (MLTL), Joel Costa dos Santos hatete, iha tinan hirak ba kotuk Timor-Leste preukupa ho situasaun pandemia covid-19 hodi haluhan moras lepra to'o ohin loron númeru aas iha Munisípiu Baukau.

"Ami nia servisu mak oinsá atu advoka no fahe informasaun ba komunidade sira oinsá prevene moras lepra iha Munisípiu Baukau," dehan joel, sesta (21/01).

Tanba, konsidera moras Lepra iha Baukau okupa segundu lugar iha nivél nasionál, tanba ne'e sei halo sosializasaun ba komunidade sira kada Suku.

Alende ne'e, MLTL la'os halo de'it sosializasaun no kura moras lepra sira, maibé haforsa mós paseinte lepra sira nia ekonómia bainhira rekupera ona husi moras lepra.

"Tanba ita hatene ona, ema afeita ona moras lepra dala ruma ema diskrimina, tanba kona ona lepra ema hadok aan husi sira, entaun ami iha papel ida oinsá atu hakbi’it sira nia ekonómia para sira mós ema iha sosiedade nia leet," nia argumenta

Komunidade, Angelo Antau da Silva mós hatete, moras lepra perigu ba ema nia vida tenke prevene, tanba bainhira lahalo tratamentu mak sei halo ema sai difisiente no bele mate.

"Tanba ne'e ha'u agradese, sira mai fahe informasaun mai komunidade sira ne'ebé seidauk hatene sinal oinsá mak dehan, moras Lepra nian no sinal ida ne'ebé mak la'os moras lepra nian," nia akresenta

Tuir dadus Servisu Saúde Munisípiu Baukau, durante tinan 2021 rejista kazu lepra hamutuk na'in-44 no iha tinan 2022 na'in-28 kontinua halo tratamentu. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items