Login to your account

Username *
Password *
Remember Me

KMLTL Husu Espoza PR Ajuda Sensibiliza Informasaun ba Públiku

Membru Misaun Moras  Lepra Timor-Leste (TL), José de Araújo Verdial. Membru Misaun Moras Lepra Timor-Leste (TL), José de Araújo Verdial. Foto Tempo Timor

Tempotimor (Dili)-Komisaun Moras Lepra Timor-Leste (KMLTL) husu espoza Prezidente Repúblika (PR), Cidália Lopes Nobre Mouzinho Guterres atu ajuda hodi halo sosializasaun no sensibiliza informasaun moras lepra ba públiku kona-ba moras lepra.

"Objetivu mai enkontru ho espoza Przsidente ninian, atu husu tulun mós espoza ninian bele halo sosializasaun no sensibiliza informasaun ba públiku relasiona ho moras lepra nian. E ami mai ne'e mós lori ho dadus ruma, hanesan ita hatene iha tinan sanulu liuba Prezidente momentu ne'ebá Ramos Horta deklara ona katak elimina moras lepra iha Timor-Leste", dehan Membru Misaun Moras  Lepra Timor-Leste (TL), José de Araújo Verdial, hafoin hasoru malu ho espoza PR iha Palasíu Presidentiál Bairopite, sesta (21/01).

Maibé iha tinan hira mai nee, husi servisu ne’ebé komisaun lepra halo viszta ba komunidade sira hamutuk ho servisu saúde ninia deteka katak, moras lepra sei iha nafatin no nia númeru ne’e tinan ba tinan aumenta nafatin.

"Ita haree husi parte ida orsamentu ne'ebé mak aloka ba Ministru Saúde mós ladun fó prioridade ba moras lepra ne’e nian, tanba ne’e mak ami mai iha ne’e ho objetivu husu tulun primeira dama nian, atubele fó apoiu liuhusi sensibilizasaun hodi bele tulun maluk sira ne’ebé mak afeta moras lepra", katak nia.

Tanba maluk sira ne’ebé mak hetan moras lepra, hetan estigma sosiál iha komunidade sira, entaun halo sira dala ruma la hakbesik-an ba sentru saúde no sira mós lahetan tulun husi família sira atubele hetan tratamentu.

Dala ruma ema hanoin moras lepra ne’e, moras ne'ebé malisan ka ema hotar maibé moras ida ne’e, hanesan mós moras hadaet.

"Nia hadet bainhra ita-nia imunidade ne’e tun, tempu atu hadaet ne'e fulan neen ou tinan rua mak moras foin bele hadaet, moras ne’e bele kura la'ós labele", esplika nia.

Enkuantu, moras ida ne'e mosu ema la hatene tanba nia mosu dahuluk hanesan hena mutin ou hena mean ne'ebé ema la sente moras ka katar, maibé bainhira husik de'it la halo tratamentu sedu nia rezultadu bele afeta ba ema ne'e bele hetan difisiensia matan, difisiensia liman, bele mós mosu difisiensia mental.

"Taun razaun ida ne'e mak ami mai iha ne'e husu tulun espoza nian para bele halo sosializasaun ba ita-nia maluk sira ne'ebé afeta moras lepra, bele sees-an husi estigma bele lakon husi estigma sosiál ne'ebé iha e sira mós bele hakbesik-an ba hetan tratamentu seluk", hatutan nia.

Kazu foun moras lepra iha Timor-Leste laran tomak iha tinan 2020 hamutuk ema na'in-122, ne'ebé as liu iha munisípiu Baukau, Dili, Manatuto no Oekussi.

"Preokupasaun ne'e ami hetan rezultadu pozitivu tebes, tanba espoza prezidente mós prontu atubele partisipa iha sosializasaun tuir mai wainhira ita halo, e espoza mós hanoin atu enkaisa sensibilizasaun ne'e iha atividade espoza prezidente nian", hatete nia.

Ho ida ne’e husu, bainhira iha sinál ruma hanesan hena mutin, hena mean iha isin, presiza hakbesik-an ba sentru saúde atubele halo teste, nune'e deteta sedu hetan tratamentu sedu. (*)

 

Rate this item
(0 votes)
Last modified on Friday, 21 January 2022 15:26
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter