"Kona-ba moras Lepra iha Baukau hetan segundu númeru iha Munisípiu 12 inklui Raeoa, uluk ita haree Raeoa mak hanesan númeru ida mais avansadu, dadaun ita haree fali iha Munisípiu tolu mak makas liu mak Dili, Manatutu, Baukau, Munisípiu tolu ne'e, kazu lepra iha Baukau barak liu," dehah Virgilio iha kna'ar fatin vila antiga, kinta (20/01).
Tanba, halo teste screening ba família ne’ebé kontaktu pasiente moras lepra iha Munisípiu Baukau konsege hetan kazu barak kategoria pauza baziler iha Postu Administrativu Kailikai no Baukau Vila.
Moras lepra ne'e, mosu kauza husi hena-mutin ne'ebé ho kategoria rua, ida hena-mutin no hena-mutin mean, maibé husi kategoria-2 ne'e mós iha ida maten no ida seluk lae.
"Agora dadauk halo hela tratamentu iha Baukau totál iha na'in-28 husi sira ne'e moras multi basiler na'in-22 sira ativu iha tratamentu iha mós pauza basiler hamutuk na'in-6,"nia konta
Moras lepra iha kategoria 2 hanesan multi basiler ho pauza basiler iha tratamentu diferente, tanba kategoria multi basiler hetan tratamentu durante tinan-ida tomak bele mós to'o tinan-ida sorin, tanba sinal hena-mutin ne'ebe domina ona ema nia isin lolon, tama iha moras nivél grave nian.
Enkuaru ba kategoria pauza basiler konsidera ne'e moras iha normal, tanba presiza halo tratamentu durante fulan-6 posibilidade bele to'o fulan-9.
Tanba ne'e, husu nafatin ba entidade hotu iha Munisípiu Baukau laran, bainhira hetan sinais hirak ne'e, hakbesik aan ba sentru saúde sira hodi halo tratamentu.
Entertantu, durante tinan 2021 rejistu kazu Lepra hamutuk ema na’in-44 iha Munisípiu Baukau. (*)