Governu Esforsu Rezolve Espasu ba Pasiénte iha HNGV“Loos duni ami rekoiñese katak iha Ospitál Nasionál Guidu Valadares (HNGV) oras ne'e ema no labarik barak mak ba ne'ebá, maibé Governu la nonok, ministériu halo esforsu hotu atu bele rezolve e muda pasiénte sira ba fali iha fatin ne'ebé mak apropriadu", dehan nia iha plenária PN, tersa (18/01).
Ba situasaun ne'e, dadauk Ministériu Saúde haree hela fatin seluk ne'ebé mak apropriadu, atubele tau kama iha ne'ebá, oinsá mak muda pasiénte balun husi HNGV.
"Kama la'ós laiha, iha atubele halo adjustamentu, atubele rezolve problema dengue ne'e", afirma nia.
Kona-ba kestaun fogin, Governu ko’alia filafila ona, katak dadauk iha kapitál nasaun, Governu nafatin halo fogin hodi halo prevensaun no bele hamate kutun moras dengue nian nomós bele halo prevensaun no hamenus dadaun moras iha rai laran. (*)