Tempotimor (Baukau)-Diretór Servisu Saúde Munisípiu Baukau, Domingos Reinaldo da Costa Guterres, informa, Ospitál Baukau rejistu kazu dengue hamutuk 33, durante loron 18 nia laran, ne’ebé hahú husi loron 01 to'o 19 fulan-janeiru tinan-2022.
"Husi loron 01 to'o ohin (19 janeiru 2022) iha semana kotuk 25, agora na'in-8 tan hamutuk 33 mak ita rejistu ona, kazu númeru sa'e ne'e Baukau Vila,"d ehan Domingos ba www.tempotimor.com, iha kna'ar fatin Ria-Mare, kuarta (19/01).
Postu Baukau Vila, fasil moras dengue mosu, tanba iha abat laran, ai-tahan dodok barak inklui komunidade hela besik malu.
Moras dengue maioria husi labarik tinan-5 mai kraik, maibé laiha pasiente ida mak hetan moras grave.
"Ita iha ai-moruk oin rua atu rega, ida mak abatisasi tau ba bee laran nian, maibé hatene ona deskonfia positivu ona ita buka meius ida ba rega iha fatin," nia informa
Tanba ne'e, kontinua apela ba komunidade tomak iha Munisípiu Baukau atu prevene moras dengue kalan toba iha moskiteiru laran, hamos bee iha vazu aifunan laran, valeta laran atu labele halibur susuk hodi hamosu dengue. (*)
