Login to your account

Username *
Password *
Remember Me

Asidente Tráfiku Bukoli Vítima Ida Hakotu Tán Iis iha HoREX

Karreta Cary ne’ebé soke iha área Bukoli. Karreta Cary ne’ebé soke iha área Bukoli. Foto Tomas Freitas

Tempotimor (Baukau)‐Asidente trafiku iha Suku Bukoli, Postu Administrativu Baukau Vila, Munisípiu Baukau, vítima Salvador da Silva (18) hakotu tán iis iha Ospitál Rejionál Eduardu Ximenes (HoREX) Baukau.

Médiku Jerál husi sala sirurjia HoREX Baukau, Pedro Perreira hatete, vítima ne'e kondisaun gravé, tanba hetan pankada maka’as iha parte ulun, nune'e kauza kakutak.

"Ami konsidera baku ba aspal ou fatuk ruma, liu loron ida kalan ida, hodi kalan sekitar jam 03 hanesan ne'e nia husik hela mundu, naran salvador husi Iliomar”, dehan Pedro iha sala sirurjia HoREX Baukau, kinta (13/01).

Antes ne’e, Xefe Kontrolu Kualidade no Komunikasaun Sosiál HoREX, Claudino Ximenes hatete, hein médiku sira halo ona karta referénsia atu transporta ba vítima sira ne’ebé gravé ba Ospitál Nasionál Guido Valadares (HNGV) Dili, maibé kondisaun matebian rasik singnu vital la normal, nune'e labele transporta ba HNGV to'o iis kotu iha HoREX.

"To'o iha ne'eba mós doútor sira iha ne'eba dehan, ami sira rusuk ne'e beikten, lolos ne'e estabeliza pasiénte mak rujuk, atu ruluk ona, maibé haree nia emodinakamente entaun lakonsege”, hatete nia.

Tanba ne'e, família matebian lori ona mate isin Salvador da Silva ba nia moris fatin Postu Administrativu Ilomar, Munisípiu Lautein hodi halo'ot tuir tradisaun.

Alende ne’e, vitíma kaduak feto na'in-2 seluk ho naran Carmelita Oliveira ho Carmelia Oliveira idade-19 dadaun ne'e, kontinua hela tratementu iha sala sirurjia HoREX Baukau, tanba na'in-ida kanek husi laran hanesan aten rahun, enkuatu ida seluk hetan problema saúde iha rins ou peridenal, maibé dadaun vítima na'in-2 hahú kondisaun di'ak.

"Nia aten rahun, konsege hadi’a tiha, ita halo expletomin to'o agora nia kondisaun estável hela, momentu mak la opera nia mate, ida rins ita halo konservativu, momentu ne'e mal nafatin rán karik ita halo intervensaun urujente, opera hanesan mós nia kembar, maibé halo nia evolusaun kada oras 2 to'o agora nia estavel hela”, esplika nia.

Nune'e vítima Carmelita Oliveira, pesoál saúde sira iha sala sirurjia HoREX fó tratamentu ba sira di'ak tebes.

"Kondisaun mak laduun di'ak, tanba opera tiha, ema bandu hela labele hán labele hemu, orsida hán hemu ne'e muta fali”, konta nia:

Nia akresenta, vítima feto-ida idade-23 iha loron 11 fulan-janeiru tinan-2022 transporta kedas ba HNGV Dili hodi kontinua halo tratamentu, tanba fraktura plefik.

Akontesementu ne’e, iha Suku Bukoli, Munisípiu Baukau loron 11 fulan-janeiru tinan-2022, pur-volta tuku 03:50 madrugada oras timor-leste, karreta pick-up Cary sapa matrikula 38-742 Tls kor metan husi Postu Administrativu Iliomar, Munísipiu Lutém soke iha dalan ne’ebé rejulta ema na’in-10 kanek, iha loron ne’e, parte loraik vítima Agustino Charles hakotu iis iha HoREX. (*)

Rate this item
(0 votes)
Last modified on Thursday, 13 January 2022 19:30
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« July 2022 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter