Login to your account

Username *
Password *
Remember Me

Governu Sei Buka Solusaun ba 'Sentru' Lixu iha Tibar

Katuas ida hili hela sasán at iha Sentru Lixu Tibar. Katuas ida hili hela sasán at iha Sentru Lixu Tibar. Foto Suplay

Tempotimor (Dili)-Ministru Asuntu Parlamentár no Komunikasaun Sosiál (MAPKomS), Francisco Martins Jerónimo hatete, Governu liuhusi Ministériu Administrasaun  Estatal (MAE) sei buka solusaun ba sentru lixu iha Suku Tibar, Postu Administrativu Bazartete, Munisípiu Likisá.

"En relasaun ho lixu ami hanoin katak iha OJE 2022, deputadu sira aprova iha ne'e, atu halo nusa mak bele hadi’a lixu iha tibar, atu nune'e iha Dili laran bele sai di'ak liu”, dehan nia iha plenária Parlamentu Nasionál (PN), tersa (11/01).

Pozisaun Governu hanoin hela atu hadi’a fatin lixu, tanba agora  Orsamentu Jerál Estadu 2022 iha ona. 

Maibé, depende filafali ba konsiénsia kada uma kain, atu oinsá mak labele soe lixu aribiru iha esgotu fatin no be dalan sira ne'e.

"Tanba dala barak soe iha ne'eba depois udan mai, bee lori ba drainajen sira ne'e, ba sulan metin iha ne'eba sai ladi’ak, bee sa’e, e balun bee lori sai liuba iha mota ibun e tama tasi laran ikus mai ita ba tasi ibun sira ne'e foer hotu”, hatete nia.

Ho ida ne'e husu komunidade koopera iha área ida ne'e, atubele rezolve problema lixu, atu labele iha komplikadu.

Tanba ne’e, problema ne’ebé deputada Veneranda Lemos hatete kona-ba lixu iha Tibar ne'e la'ós foin mak akontese, maibé ne'e akontese kedas ona iha tinan 10 ho tinan 20 resin liuba to'o agora seidauk rezolve.

"Tanba saida, tanba problema mak ne'e, ita laiha fatin ne’ebé mak apropriadu atu nune'e rezolve problema sira ho di'ak, e dala barak ita lori ba, sira ne’ebé mak lori lixu ba mós tau hela de'it iha ne'eba, e tuir fali mai sira ne’ebé mak ba buka no loke fali lixu sira ne'e mós barak mak akontese”, hatete nia. (*)

Rate this item
(0 votes)
Last modified on Wednesday, 12 January 2022 10:33
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter