Print this page

MS ‘Hakfodak’ Organiza Limpeza Tama Sai Bairu 

Funsionáriu Servisu Saúde Dili hala’o limpeza iha Aldeia 30 de Agusto, Suku Komoro, Postu Administrativu Dom Aleixo. Funsionáriu Servisu Saúde Dili hala’o limpeza iha Aldeia 30 de Agusto, Suku Komoro, Postu Administrativu Dom Aleixo. Foto Suplay

Tempotimor (Dili)-Ministériu Saúde (MS) liuhusi Saúde Munisípiu Dili hakfodak organiza funsionáriu sira halo limpeza tama sai bairu hodi prevene moras dengue iha Kapitál Nasaun.

Xefe Departamentu Saúde Ambiental Ministériu Saúde (MS), Agustino de Oliveira hatete, atividade limpeza ne’ebé hala’o iha Aldeia 30 de Agusto, Suku Komoro, Postu Administrativu Dom Aleixo, tanba sentru saúde no postu saúde hothotu rejista númeru kazu dengue ne’ebé afeta labarik ho idade tinan 5 mai kraik sa’e maka’as.

"Atividade limpeza ida ohin organiza husi saúde Munisípiu Dili atu reduz númeru moras dengue ne’ebé dadaun ne'e rejista maka’as iha Munisípiu Dili. Se ita la halo asaun limpeza hanesan ne'e kazu dengue ne'e númeru sa'e bebeik, kada loron ita rejista nafatin iha sentru saúde sira, no Ospital”, informa Agustino de Oliveira, iha Kampu Baru, Komoro, sesta (07/01).

Tanba iha enkontru ne’ebé hala’o ho Munisípiu Dili iha loron kinta(06/01) atu halo limpeza iha kada bairu no aldeia hotu hafoin asaun komigasaun tuir kedan iha fatin ne’ebé mak limpeza ona.

Entretantu atividade refere sei kontinua iha Munisípiu Dili laran hodi bele halo prevensaun ba moras dengue ne’ebé númeru sa’e dadaun.

Aliende ne'e ekipa Ministériu Saúde mós sei tama sai komunidade nian uma hodi tau avante (aimoruk) ba fatin bee nalihun sira, nune'e bele oho susuk nian tolun sira. 

Ho ida ne'e, avante sufiseinte, tanba stok tama dadaun ona, no tempu badak hothotu sei tun halo asaun prevensaun.

Ba stok aimoruk ne’ebé atu mai malation iha bidon lima, avate hamutuk kaixa 20 sei hatama husi kompaña ne’ebé manán konkursu públiku husi Ministériu Saúde. 

Enkuantu tuir observasaun ekipa sira ne'e sai husi sentru saúde Komoro lori kedan ho plastik, hodi bele tau lata mamuk, aqua mamuk, no masa mamuk sira ne’ebé fasil atu susuk bele tolun iha laran. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items