Login to your account

Username *
Password *
Remember Me

Taur ho Membru Governu Hahú Simu Vasina Doze Datoluk Husi Pfizer

Primeiru Ministru (PM), Taur Matan Ruak, simu vasina doze dahuluk husi pesoal saude iha Kapital Dilli. Primeiru Ministru (PM), Taur Matan Ruak, simu vasina doze dahuluk husi pesoal saude iha Kapital Dilli. Foto Suplay

Tempotimor (Díli)-Primeiru Ministru (PM), Taur Matan Ruak, hamutuk Membru Governu sira, iha loron kuarta (05/01) hahú simu vsina doze datoluk husi Pfizer, hodi haforsa imunidade hasoru v’irus foun omicron.

"Hafoin reuniaun Konsellu Ministru membru Governu simu Booster vasina Pfizer ne'e vasina adisionál ida hodi halo forsa liután vasina hirak ne'ebé mak simu tiha ona dalarua ne'e akontese iha mundu tomak e rekomedasaun husi saúde nian”, deklara Ministru Prezidensia Konsellu Ministru (MPKM), Fidelis Leite Magalhães, ba jornalista hafoin reuniaun konsellu Ministru iha Palásiu Governu kuarta (05/01).

Tanba Timor-Leste iha Vasina Pfizer ne'ebé mak disponivél uza sai Booster hodi haforsa liután saúde halo defeza imunidade sira, tanba ida ne'e mak Governu husu atu ema hothotu simu vasina.

"Sira ne'ebé vulneravél, sira ne'ebé serbisu iha liña frente, sira ne'ebé kontaktu ema barak atu hothotu buka vasina”, informa nia.

Dadaun ne'e iha vírus foun ho naran omicron ne'ebé ameasa mutasaun ne'e nian, ho nune'e sidadaun sira tenke ba buka vasina iha sentru saúde sira.

"Husi saúde sira sei fó vasina iha sentru vasinasaun sira para ita-boot sira iha forsa liu-tán ba vasina ne'ebé mak simu tiha ona, karik forsa husi vasina mihis liu ona nia halo mahar fila ali, para hodi bele aguenta, ameasa saida de'it mak sei mai husi vírus ne'e”, esplika nia.

Tanba Governu rekoñese bainhira aplika Konfinamentu Obrigatóriu (KO) sei fó implikasaun boot ba dezenvolvimentu sira iha nasaun Timor-Leste nian.

"Governu lakohi, Konfinamentu Obrigatóriu tanba ne'e la di'ak, ita rekoñese ke ida ne'e nunka obsaun ida ne'ebé di'ak ke ba ita-nia dezenvolvimentu ba ita-nia nasaun”, hatete nia.

Ho ida ne'e mak husu ba sidadaun sira atu hothotu tenke simu vasina atu kontribui, hodi simu vasina hodi Governu kontinua hala'o dezenvolvimentu liliu ba povu nia nesesidade sira. (*)

Rate this item
(0 votes)
Last modified on Wednesday, 05 January 2022 17:17
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« May 2022 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter