Login to your account

Username *
Password *
Remember Me

Ramos Horta Hahú Simu Vasina Doze Datolu 

Eis Prezindente Repúblika, Ramos Horta Simu hela Vasina Pfizer ba doze datoluk iha Rezidénsia Metiaut, tersa (04/01). Eis Prezindente Repúblika, Ramos Horta Simu hela Vasina Pfizer ba doze datoluk iha Rezidénsia Metiaut, tersa (04/01). Foto Tempo Timor

Tempotimor (Dili)-Eis Prezidente Repúblika (PR), José Ramos Horta, hahú simu ona vasina Pfizer ba doze datolu iha nia rezidénsia Metiaut.

"Ohin ha'u simu terseiru doze, bolu buskas ho termu tékniku Inglés, vasina buska ne'e hahú tiha ona iha Europa Amerika, Austrália hahú kedas iha fulan-abril tinan kotuk, tanba vasina baibain ne'e fulan neen (6), fulan hitu (7), nia fraku ona", dehan Ramos Horta hafoin simu vasina Pfizer ba doze datolu iha rezidénsia Metiaut, tersa (04/01).

Antes simu Horta mós estuda buat sira ne'e e iha fulan-jullu liu ba, no aviza ona ba Governu no iha nia pájina Facebook hatete, prepara ba buska tanba Covid ne'e seidauk hotu.

"Ita sorti 2021 iha, sa'e maka'as mais depois tun, tanba vasina mós efeitu, entaun transmisaun ema ladun moras, maibé ita-boot sira hatene oras ne'e dadaun Amerika 400 mill por dia, Austrália uluk kontrola di'ak los agora araska, hanesan mós iha Nova Zelándia no Xina mós hahú filafali", relata nia.

Vasina doze datoluk ne’ebé simu ne'e semana Rua, tolu mak nia efikas, ne'e la'ós ohin halo vasina, fó kedan protesaun.

"Portantu ha'u kontente Governu halo dadaun preparasaun ba halo buska ba ita-nia populasaun ho Pfizer ho AstraZaneca, vasina rua prova tiha ona iha mundu efikas, no ita espera ke ho terseira doze ne'e ho medida prevensaun nafatin", dehan nia.

Enkuantu populasaun sira ne'ebé halo tiha ona segunda doze liu tiha ona fulan neen, pelumenus se Governu, autoridade sira hatete, oferese buska ou  teriseiru doze, Ramos hatete, simu ba, tanba ne'e ajuda proteze-an, la proteze pursentu 100, maibé simu ba, tanba haree, Timor esperensia fulan lubuk ida nia laran ne'e ema la mate, tanba vasina.

"Proteze-an, la proteze porsentu 100, mais proteze pursentu 80 karik, tanba ne'e mak ita haree Timor mortalidade Covid ne'e minimu los", afirma nia. 

Timor-Leste konsege kontrola, tanba medida autoridade, saúde sira halo sobretudu ba vasina, e husi estudu barbarak Ramos rasik haree AstraZeneca fó protesaun maka’as di'ak tebtebes, no halo tan buska di'ak liután no Pfizer la'o di'ak ho AstraZeneca. (*)

Rate this item
(0 votes)
Last modified on Tuesday, 04 January 2022 13:56
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2022 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks

Online Counter