"Soru sira ne'e la'o nafatin sufusiente hela, liliu ida ba hypertesaun ninian ne'e mak expire, semana rua nia laran, ami seidauk hetan stock foun, maibé sira diresaun tenta nafatin para halo pedidu ba Nasionál", dehan Bernardina, sesta (17/12).
Maibé, lahamate espíritu servisu pesoál saúde nian, nune’e nafatin buka meius liuhusi dalan husu ba sentru saúde sira iha Munisípiu Baukau hodi atende inan isin-rua sira bainhira presiza iha sala maternidade HoREX.
Tanba, durante fulan-outubru no novembru inan isin-rua ne'ebé partus iha sala maternidade HoREX Baukau kuaze na'in-10 resin mak hypertesaun expire, nune'e nafatin husu ba diresaun saúde iha Munisípiu Baukau hato’o pedidu ba nasionál atu bele hetan ai-moruk stock foun.
Relasiona ho ai-moruk hypertesaun ne'ebé expira iha sala maternidade HoREX Baukau, www.tempotimor.com tenta komfirma ba Diretór Servisu Saúde Munisípiu Baukau, maibé seidauk fó komentáriu ruma, tanba nia parte sei tuir hela enkontru iha Dili. (*)
