Tuir Komunidade balun ne'ebe besik liu iha akontesimentu refere deklara sidadaun feto ne'e ho kondisaun moras mental toba iha estrada klaran hahú tuku 5 ho balun, no dadauk nia hela ho nia família sira iha Bidau.
"Nia kondisaun moras mental, ohin kedas toba de'it iha estrada leten”, dehan fonte ne’ebé lakohi públika nia identidade ba www.tempotimor.com, segunda (13/12).
Akontedimentu ne'e iha HNGV nia oin kedas, no sidadaun defisiensia mental ne'e rasik deside lakohi ses husi estrada, maske ema barak obriga nia atu ses.
Maske situasaun ne'e hamosu perturbasaun ba ema la'o ain nomós movimentu trasporte públiku liliu ambulánsia sira atu transporta ema moras ba HNGV.
Maibé, laiha autoridade Polísia Nasional Timor-Leste (PNTL) tun ba halo intervensaun hodi asegura sidadaun ho defisiensia refere.
Tanba ne’e, komunidade husu ba Governu liliu Ministériu Saúde atu buka dalan hodi kria kondisaun ba ema ho defisiensia mental oinsá mak halibur sira iha fatin seguru, nune'e labele repete situasaun hanesan ne'e iha estrada públiku. (*)