"Sira so'e lixu arbiru de'it, liliu sira kompaña loja na'in sira ne'e, sira tula sira nia karreta ba fakar iha ne'eba, lori osan mak selu ema ba hamos tiha o ba halo foer fali", dehan PAM Baukau, segunda (13/12).
Nia dehan, Lei higene públiku númeru 33 fulan-agostu nian, seidauk implementa multa ba sidadaun ne'ebé kontinua so'e lixu arbiru iha fatin públiku, tanba ne'e sidadaun sira seidauk iha konsensia, maibé neneik sei halo mós lei atu aplika multa ba sidadaun sira la tau lixu iha fatin.
Maibé, nafatin alerte ba sidadaun hotu tenke hadomi ambiente ho konsensia hodi soe lixu iha nia fatin.
Entertantu, pesoál saneamentu raut foer iha Munisípiu Baukau hamutuk na'in-20, na'in-10 iha vila antiga, na'in-10 iha vila nova. (*)