"Diferente, tanba ida ne'e rahun, sira sei ba kahur mak sona, ida AstraZeneka mai nia botil cairang kedas ona, tanba ne'e, presiza treinamentu”, dehan Diretór Servisu Saúde Munisípiu Baukau (SSMB), Domingos Reinaldo da Costa Guterres, iha Baukau, kinta (09/12).

Haree ba Vasina AstraZeneca ho Pfizer iha ne’ebé direfernte, tanba AstraZeneca iha aimoruk been ne'ebé mak ketak no vasina ne'e rasik ketak, no vasina Pfizer molok atu vasina ba ema presiza kahur, maibé AstraZeneka husi fabrika kedas feitu ona hein atu implementa vasina.

Ho Ida ne'e, realiza treinamentu atu halo preparasaun no kuiñesementu ba responsável saúde sira kona-ba kontinuasaun vasina Pfizer nian ba estudante sira iha Munisípiu Baukau.

Ba treinamentu ne’e pesoál, tenke komprende lalaok vasina Pfizer molok atu implementa, tanba vasina ne'e rasik hafoin simu doze primeiru halo loron-21 sei simu hikas doze segundu.

Alende lansa vasina Pfizer ba estudante sira iha kada eskola ne'ebé sei hahú iha fulan-janeiru tinan-2022, Servisu Saúde Munisípiu Baukau mós sei servisu hamutuk ho Autoridade lokál sira hodi buka hatene labarik idade-12 to'o 17 ne'ebé mak la eskola sei simu mós vasina.

Formadór ba Programa Imunizasaun Vasina Pfizer, Caetano Gusmão hatete, treinamentu ne'e atu fó kuiñesementu ba pesoál saúde sira iha Munisípiu Baukau molok atu fornese vasia Pfizer ba estudantu sira idade-12 to'o 17, tanba vasina Pfizer no AstraZeneca iha direferente.

"Diferente tanba vanisa ne'e kahur oras-6 liu, kuandu labarik sira iha ita organiza tenke zona hotu, maibé iha situasaun ne'ebé la permiti klaru ita jere didi’ak labele estraga”, afirma nia.

Prosedementu husi vasina Pfizer nian tenke iha oras-6 nia laran obrigatóriu tenke uza remata, bainhira la uza hotu normalmente tenke estraga.

Vasina Pfizer iha sentral nasionál tau iha jelera menus-80 selsius, maibé bainhira oferese ba Sentru Saúde iha Munisípiu sira sei tau ba jelera ne'ebé normal nia temperatura 2-8 grau selsius.

"Nia durasaun uza ne'e menus-80 ba temperatura 2-8, to'o iha Munisípiu ne'e ita uza dentru loron-31 de'it labele liu ida ne'e tanba nia suhu lahanesan tiha ona”, informa nia.

Enkuantu Xefe Sentru Saúde Uailili, Arlindo Santos hatete, hanesan tékniku iha baze prontu ona atu lansa vanisa Pfizer bainhira to'o iha Munisípiu Baukau hodi distribui ba postu saúde sira atu oferese ba estudante sira husi idade-12 to'o 17

"Preparasaun labarik sira eskola nia dadus ami rekolla haruka ona mai distritu oinsá ita planu vasina ida ne'e ba labarik sira eskola no ba idade-17 abaixo”, afirma nia.

Entertantu totál estudante iha Munisípiu Baukau atu simu vasina Pfizer iha fulan-janeiru tinan-2022 hamutuk rihun-21-resin. ( *)