"Iha ne'e ita-nia komunidade moras nia tenke ba ospitál iha Munisípiu ne'ebá, ne'e mak la'o dook ne'e mak ha'u buka dalan hari’i sentru saúde iha suku Soru”, dehan Xefe Suku, Estevão da Costa Pereira ba www.tempotimor.com iha salaun Coconut Oin iha Suku Soru, Postu Administrativu Lospalos, Munisípiu Lautein, segunda (06/12).

Maske dadaun ne'e konstrusaun ba klínika iha suku soru finaliza ona maibé ekipa saúde iha Munisípiu Lautein seidauk inaugura.

"Iha tinan 2020 ha'u lobi hela sira husi embaixada Japaun liuhusi Japaun International Cooperation Agency (JICA) maibé agora seidauk resmi (inaugura) ne'ebé doutor sira seidauk mai”, informa nia. 

Pesoál saúde sira iha Suku Soru kompletu maibé tanba seidauk halo inaugurasaun ba sentru Saúde iha Suku nune'e pesoál saúde sira provizoriamente iha sentru saúde Lospalos.

Maibé tanba pandemia Covid-19 ne'e mak difikulta seidauk halo inaugurasaun ba sentru saúde refere.

"Tanba Covid-19 ne'e mak Embaxada Japaun JICA no Ministra Saúde seidauk mai halo inaugurasaun tanba ida ne'e mak seidauk halo ba servisu”, dehan nia. (*)