Indonézia Apoiu Ró Ambulánsia Ida Mai Timor-Leste 

Ró Ambulánsia ne’ebé Governu oferese mai Timor-Leste. Ró Ambulánsia ne’ebé Governu oferese mai Timor-Leste. Foto Suplay

Tempotimor (Dili)-Governu Repúblika Indonézia apoiu Ró Ambulánsia ida (1) mai Governu Timor-Leste atu fasilita Ministériu Saúde (MS) liliu Servisu Nasionál Ambulánsia Emerjénsia (SNAE) nian, hodi bele uza transfere ema moras husi Ataúru ho Oekusse mai iha Dili.

"Agradese ba Governu Indonézia tanba bele oferese ona Ró Ambulánsia, Ró ida ne'e bele apoiu ona Ministériu Saúde (MS) liliu instituisaun saúde, SNAE hodi bele responsabiliza ba servisu transferénsia moras nia iha rai laran, ró ambulánsia ne'e ita bele uza hodi halo evakuasaun ba ita-nia pasiénte sira tantu iha Ataúru no mós husi RAEOA, mai hospitál Nasionál Guidu valadares (HNGV)”, dehan Diretór Servisu SNAE, Horasio Sarmento Da Costa, iha portu Dili, kinta (25/11).

Tanba durante ne'e MS iha de’it kooperasaun ho aviaun Nasionál Airo Flyght (NAF) hodi halo evakuasaun ba pasiénte sira maibé aviaun nia operasaun ne'e so halo de’it iha loron hahú husi tuku 7:00 dader no to'o tuku 17:00 loraik no kalan labele halo operasaun.

"Aviaun ne'e la halo operasaun iha kalan, dala ruma ita-nia pasiénte husi Ataúru no Oekussi presiza iha tempu kalan ita labele responde, dala barak ita iha xamada iha tempu kalan ita labele responde. Ita husu apoiu Unidade Polísia Marítima sira, maibé sira mós iha prolema labele responde, entaun ita-nia ema sira hakotu iis tanba ita-nia kapasidade atu atende ne'e seidauk bele”, esplika nia.

Tanba ne'e ho apoiu Governu Indonézia ninia ho Ró ambulánsia ne'e bele responde ona ba komunidade sira husi Ataúru ho Oekussi ne’ebé mak presiza hetan  atendementu Saúde di’ak liután iha HNGV.

Entretantu ró Ambulánsia ne'e akumula ema hamutuk 25 pesoál nomós kapitaun Ró na’in-ida ho Navegadór na’in-tolu. Ró ne'e finasia husi Governu Repúblika Indonézia ho totál orsamentu US$2,2000. (*)

Rate this item
(1 Vote)
Last modified on Thursday, 25 November 2021 16:05
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter