Login to your account

Username *
Password *
Remember Me

Saúde Baukau Kontinua Atende Pasiente-15 Sofre Moras HIV-SIDA

Diretór Servisu Saúde Munisípiu Baukau, Domingos Reinaldo da Costa Guterres ko’alia hela iha salaun CTID Canosiana vila antiga Baukau, kuarta (24/11). Diretór Servisu Saúde Munisípiu Baukau, Domingos Reinaldo da Costa Guterres ko’alia hela iha salaun CTID Canosiana vila antiga Baukau, kuarta (24/11). Foto Tomas Freitas

Tempotimor (Baukau) - Diretór Servisu Saúde Munisípiu Baukau, Domingos Reinaldo da Costa Guterres informa, dadaun kontinua fó tratamentu ba pasiente na’in-15 ne’ebé sofre moras HIV-SIDA.

"Ita nafatin halo tratamentu hela ba ema na'in-15, feto na'in-7 no mane na'in-8 idade ne'e maioria joven mak," nia informa iha salaun CTID Canosiana vila antiga Baukau, kuarta (24/11).

Nia afima, kada tinan Munisípiu Baukau sempre rejistu númeru HIV-SIDA husi na'in-1 to'o na'in-2 ne'ebé kauza husi relasaun seksual no mós tranferesia rán, nune’e tenke kumpre tratamentu durante fulan-8 no hemu aimoruk kompletu, maibé iha ema barak mós halo prevene ba nia-aan hodi evita relasaun seksual livre.

Dala barak pasiente ne'ebé hetan moras komplikadu lakohi hemu aimoruk husi pesoál saúde sira, ikus mai akuza isin tuun to'o hakotu iis.

Maibé, iha mós pasiente balun kumpri regras husi pesoál saúde sira no hetan duni mudansa ba sira nia moras.

"Iha parte balun nia hela iha komunidade nia leet, komunidade balun rona dehan ema ne'e hanesan HIV-SIDA balun hakribi susar oituan, entaun presiza pasa informasaun ba sira", nia hatete

Tanba ne’e, servisu saúde Munisípiu Baukau kontinua halo siensebelizasaun liuhusi autoridade lokál no eskola atu pasa informasaun ba komunidade sira prevene moras HIV-SIDA.

Entertantu, kazu akumulativu HIV-SIDA iha Munisípiu Baukau ne’ebé hahú husi tinan 2001 to'o mai tinan 2021 rejistu hamutuk ema na'in-30. (*)

Rate this item
(0 votes)
Last modified on Wednesday, 24 November 2021 12:51
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter