"Aréa balun ne'ebé mak mosu dengue iha fatin balun risku kada tinan iha, iha vemasse, laga, iha mós baukau vila fatin sira ne'e mak kada tinan-tinan risku", dehan nia iha kna'ar fatin, kinta (18/11).
Kada tinan sempre rejistu moras dengue husi postu tolu ne’e ho númeru aas, tanba ambinete la seguru ho bee fo'er barak la hamós bele sai fatin ba susuk no fasil atu hada'et moras dengue ba ema nia saúde.
Tanba ne'e, servisu saúde Munisípiu Baukau kontinua apela ba komunidade sira halo limpeza ba ambiente atu prevene-aan husi moras dengue durante períodu udan monu rai.
"Atu prevene moras dengue labele iha, fila-fali ba komunidade nia konsensia no vontade rasik, kada uma no áredores tenki limpeza nafatin atu susuk labele moris ba liliu bidon, vazu aifunan atu bee labele nalihun," nia dehan
Alende ne'e, fó nafatin orientasaun ba lider komunitária sira atu pasa informasaun ba komunidade sira atu halo prevensaun, kalan toba tenke uza moskiteiru, tanba iha ona tempu udan nian. (*)