Tuir tarjetu alvu nasionál ba vasina AstraZeneka doze dahuluk ba Munisípiu Baukau tenke atiji to'o 73.317, tanba ne'e ekipa saúde hamutuk ho autoridade sira esforsu númeru vasina iha Munisípiu Baukau dadaun ne'e sa'e ona to'o 58,995.

Diretór servisu saúde Munisípiu Baukau, Domingos Reinaldo da Costa Guterres  hatete, nafatin halo sosializasaun pasa informasaun klaru ba komunidade sira atu bele atinji metas ne'ebé iha.

"Husi targetu ne'ebé mak nasionál fó 73.317 ita vasina ona 58.995 vasina la'o nafatin ita hela de'it ona 14.322 mak seidauk vasina ita konsidera 19 pursentu mak seidauk vasina", dehan nia iha kna'ar fatin, tersa (16/11).

Nia afirma, maske pursentu 19 mak ladauk simu vasina doze dahuluk, maibé maioria mak simu ona vasina ne’ebé hatudu mudansa di'ak iha Munisípiu Baukau.

Maibé, ba komunidade ne'ebé seidauk simu vasina doze dahuluk hanesan inan isin rua no inan fó susu bebe inklui komunidade seluk, parte saúde kontinua fó koranjem atu bele simu vasina.

"Iha sentru saúde ualili mak sei menus ema seidauk vasina 3,218 mai fali aréa riamare nian 1,294 ne'ebé iha baukau vila ne'e mak sei falta 3,396 ne'e mak seidauk vasina", nia informa

Husi totál 3,396 ne'ebé seidauk simu vasina doze dahuluk iha Postu Administrativu Baukau Vila ekipa saúde nafatin buka tuir, dala ruma bele hela iha Postu no Munisípiu seluk.

Nia konta, ema ne'ebé mak seidauk simu vasina iha Postu Administrativu Baguia na'in-2,866, Laga na'in-3,133, Kelikain na'in-2,599, Vemasse na'in-210 no Venilále na'in-2,177.

"Maibé liu-liu iha sentru saúde sira Bukóli mak di'ak no mós ba iha aréa ossokeli sira nia populasaun ne'ebé iha, sira kuaze kontrolu vasina hotu ona", nia dehan

Diretór saúde mós apreseia ho servisu ekípa ne'ebé iha baze halo sosializasaun ba vasinasaun nian, tanba konsege susesu iha postu saúde rua hanesan Bukóli no Ossokeli

Vasina kada sentru saúde iha Munisípiu Baukau hamutuk-10, totál aldeia-281, Suku-59, doze dahuluk atinji ona pursentu 80,46 ema ne'ebe seidauk simu hamutuk14,322. (*)