"Liga konaba servisu Ospital nian liu-liu kona-ba fatin triazen ne'ebé oras ne'e sei la'o hela, sim klaru ita atendementu katak ita nia moras ida ne'e seida'uk hatene lolos nia ne'e hotu ona ga seida'uk", Xefe Departementu Gabinete Quality Kontrolu Komunikasaun Sosial, Claudino Ximenes iha kna’ar fatin HoREX, sesta (05/11).

Konsulta iha Ambulatóriu sei halo teste swab ba pasiente ne'ebé mak mai konsulta ho sintoma respiratóriu nian liu-liu, mear, isin manas, i'is boot.

Nune'e mós pasiente ne'ebé mak hanesan ruzukan mai ho kondisaun gráve hanesan asidente no inan isin rua sira bele taba ba fatin sei tama ba laran iha sala emergensia no maternidade, maibé obrigatoriu pesoál saúde ekípa PCR nian sei fó hikas teste swab.

Nia hatutan, parte seluk mós haree ba taxa vasinasaun iha Munisípiu Baukau komunidade barak mak seidauk simu vasinan, tanba ne'e husi meius kontinua estabelese triazem atu bele prevene pasiente ne'ebé mak simu tratamentu iha Ospital laran.

"Moras sira iha ne'e maioria katuas ferik labarik nia imunidade ne'e menus, entaun bainhira hetan família sira ou sira seluk ne'ebé mai hada’et fali ba pesoál saúde sira, kontinua hada'et tutan ba moras seluk", nia akresenta

Iha semana kotuk liu ba pesoál saúde sira konsege deteta sidadaun balun pozitivu ba Covid-19 ho sítiu makas, maibé iha oras 24 nia laran konsege kondisaun negativu fali. (*)