Xefe Departamentu Gabinete Qualiti Kontrolu Komunikasaun Sosiál Ospitál Baukau, Claudino Ximenes hatete, pasiénte hirak ne’e dadaun halo hela tratamentu.

"Balun hetan tuda, balun tá, baku no ida mak tiru iha parte ain, hanesan mós ida ne'e doútor sira deskonfia kartus iha nia-ain, entaun labele atende iha ne'e, tenke transfere ba HNGV (Ospitál Nasionál Gidu Valadares)”, dehan nia iha kna’ar fatin ospitál Baukau, sesta (05/11).

Nune’e iha mós kazu balun husi asidente tráfiku ne’ebé hamutuk na’in-5 rejistu iha ospitál Baukau iha na’in-4 kanek Kaman no ida mak gravé entaun halo kedas transferénsia ba HNGV.

“Asidente tráfiku  hamutuk na’in-5 mak hetan tratamentu iha sala emerjensia HoREX (Hospitál Rejionál Eduardu Ximenes), husi pasiénte na’in-5 ne'e pasiénte ida mak kondisaun gráve labele kontinua hetan tratamentu iha HoREX Baukau, maibé kontinua simu tratamentu iha Ospitál Nasionál Gidu Valadares, tanba Ospitál HoREX sei iha problema laboratóriu labele atende pasiénte asidente ne'ebé mak gravé”, dehan nia

Pasiénte ne’ebé ho kokondisaun gravé ne’e hetan asidente monu ho motorizada iha loron 01 funan-novembru.

Maske iha pasiénte barak, maibé durante loron finadu HoREX la resjista ema mate tan asidente no violénsia krime nian. (*)