"Pursentu 70 ne'e mai husi esforsu ita-nia xefe aldea sira, saúde, autoridade lokal no xefe suku nia esforsu, hothotu tun direta ba aldeia sira halo advokasia, hodi nune'e ita-nia komunidade sira iha atusiazmu atu partisipa iha vasinasaun ida ne'e", dehan nia hafoin partisipa selebrasaun loron Internasionál feto rurál Tutuala, sesta (22/10).

Taxa partisipasaun ba vasinasaun tuir dadus estimativa husi postu Tutuala ne'e iha 2021, dadus husi saúde nian, husi dadus ida ne'e Tutuala agora liu ona pursentu 70.

Maske komunidade balun ladun partisipa, tanba fiar sientista sira no balun fiar informasaun falsu maibé ho prezensa Ministru sira mós, vise Ministru sira mai to'o iha nível postu administrativu, aldeia no suku esplika lala'ok vasinasaun nian funsaun ho esforsu líder komunitariu sira, nune'e komunidade komesa fiar hodi asesu vasinasaun.

"Ha'u hanoin Tutuala ne'e iha aldea balun la to'o sanulu mak la hetan vasinasaun, maibé barak liu hetan ona vasinasaun e balun la hetan ne'e  dalaruma hetan moras no tuir infermeiru sira ne'e mak la hetan maibé rata-rata nia pursentu ne'e ami liu tiha pursentu 70", esplika nia.

Ekuantu iha postu ne'e rasik vasina doze primeiru pursentu liu ona 50, maibé sura hamutuk primeiru doze ho segundu doze hamutuk atinje ona pursentu 70 no bele kompleta de'it iha futuru.

"Sira ne'ebé seidauk simu ita enkoraza ho meius hakbesik beibeik ba sira, tanba dalabarak sira ne'ebé moras depende ba infermeiru sira, maibé sira ne'ebé tauk tanba hoax ita presiza hakbesik ba sira fó hatene beibeik saida mak atu hatene ba sira", dehan administradór.

Haree ba Postu Administrativu Tutuala iha Suku 2, aldeia 7 ho populasaun hamutuk rihun-lima-hitunolu (5.070). (*)