Login to your account

Username *
Password *
Remember Me

Horta Enkoraja Komunidade Kaibada Simu Vasina Sei La Mate ba Covid-19

Premiadu Nobel da Paz, José Ramos Horta tur ko’alia hela ba komunidade sira iha sede Suku Kaibada, sesta (22/10). Premiadu Nobel da Paz, José Ramos Horta tur ko’alia hela ba komunidade sira iha sede Suku Kaibada, sesta (22/10). Foto Tomas Freitas

Tempotimor (Baukau)-Premiadu Nobel da Paz, José Ramos Horta enkoraja kominidade Suku Kaibada, Postu Administrativu Baukau Vila, Munisípiu Baukau atu hotu-hotu simu vasina, tanba vasina mak bele proteje-an no sei la mate ba moras Covid-19.

"Protesaun di'ak liu di'ak liu mak vasina bele la proteje 100% se mak hetan vasina karik hetan moras ne'e la mate", Horta informa iha sede Suku Kaibada, sesta (22/10)

Nia dehan, Timor-Leste iha oportunidade ne’ebé di’ak tebes, tanba hetan apoiu vasina husi nasaun lubuk ida, nasaun balun presiza vasina, maibé buka vasina laiha, tanba ne’e, husu ema hotu atu kolabora ba vasinasaun.

"Tanba ne'e, mak ha'u to'o iha ne'e, ohin hamutuk ho doutór, emfremeiru, tekniku sira ko’alia ho populasaun simu vasina", nia afirma

Horta husu komunidade sira ne’ebé ho tinan 18 ba leten, tenke simu ona vasina atu iha Fulan-Dezembru tinan 2021 nia laran bele atinji ona 100 pursentu hodi fó garantia ba governu atu loke fali aeroportu no fronteira terestre ba turista sira.

Lalika garante uluk pandemia Covid-19 atu hotu ona, tanba dala ruma derepente númeru bele sa'e fali, nune'e husu ba komunidade Kaibada nafatin kumpri regras ne'ebé mak Ministéiru Saúde implementa ona.

Horta mós husu ba populasaun sira fiar mak informasaun ofisiál husi ekipa saúde, lalika fiar lia falsu ne'ebé ema lansa iha media sosial.

"Lalika fiar ema sira ne'ebé laiha servisu iha uma la halo buat ida, halo lia bosok iha facebook ko,alia tun sae", informa nia 

Tuir planu programa kampña vasinasaun Eis-prezidente Repúblika iha suku Kaibada ne’e, aban loron sabadu (23/10) sei kontinua ba iha Suku Seisal. (*)

 

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter