MAPKomS ho SEAK Kontinua Kampaña Vasinasaun Kontra Covid-19 

Ministeriu Asuntu Parlamentár no Komunikasaun Sosiál (MAPKomS), Francisco Martins Jerónimo, entrega hela karta vasina ba komunidade hafoin simu vasina. Ministeriu Asuntu Parlamentár no Komunikasaun Sosiál (MAPKomS), Francisco Martins Jerónimo, entrega hela karta vasina ba komunidade hafoin simu vasina. Foto Suplay

Tempotimor (Aileu)-Ministeriu Asuntu Parlamentár no Komunikasaun Sosiál (MAPKomS), Francisco Martins Jerónimo hamutuk ho Sekretáriu Estadu Arte no Kultura (SEAK), Teófilo Caldas, kontinua halo kampaña vasina kontra Covid-19 iha aldeia rua, rai rema no rai mansu, Suku Liurai, Postu Administrativu Aileu vila, Munisípiu Aileu.

Iha kampaña vasinasaun ne'e, Ministru Francisco, enkoraja komunidade sira atu fó kontribuisaun iha programa vasinasaun hakbesik-an ba sentru saúde.

Nune’e bele hetan imunizasaun atu iha imunidade forte hodi satan moras kontajioza ne'e.

"Para iha imunidade atubele hala’o fali atividade sira ho normál no livre hanesan iha área negósiu, eskola, kultura no seluk tan”, dehan Ministru Francisco, iha Suku Liurai, kinta (20/10)

Ho evolusaun dadus programa vasina ne’ebé hatudu katak, munisípiu Aileu atinje ona 60%.

"Tanba ne'e hanesan governante iha obrigasaun morál atu mai ko’alia no rona ita-boot sira, tanba vasina ne’e programa nasionál Governu nian ne’ebé importante tebes hodi fó protesaun ba povu nia saúde”, dehan nia.

SEAK, Teófilo Caldas, mós haforsa Governu no Estadu ida ne’e nunka hanoin atu oho nia povu maibé  Governu no Estadu ne’e hakarak proteje nia povu husi moras ne’e.

"Tamba ne’e husu ita atu kontribui no kolabora simu vasinasaun, tanba úniku dalan para prevene aan husi moras covid-19 mak tenke simu vasina”, afirma nia. (*)

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter