Bainhira kompañia kontinua la rega rai-rahun ne’e ho di’ak maka, Administradór Postu Adminsitrativo Venilale, Miguel Mendes Manso Guterres sei hato'o ba Presidente Autoridade Munisípal (PAM) Baucau.
Tanba, parte nia halo ona konsultasaun ho konsultan estrada nian katak, kompañia rega estrada loron ida dala haat (4), maibé realidade kompaña rega liu de'it la to'o minutu balun, rai rahun komesa suar.
"Ha'u nu’undar administradór hau sei hasoru fali sira, tanba buat ne'e promete ona buat ne'ebé desizaun ona tenke halo tuir, se la halo tuir, ha'u sei hato'o ba PAM", dehan nia ba www.tempotimor.com iha Suku Fatulia, kinta (21/10).
Tuir obsérvasaun www.tempotimor.com iha terenu nota katak, kareta tanki ne’ebé lori bee rega duni dalan ateru ne’e, maibé rega liu de'it, la to’o minutu balun rai rahun komesa suar makas fali. (*)