Login to your account

Username *
Password *
Remember Me

Governu Loke Fatin Tratamentu ba Sidadaun Susar Para Fuma

Edifísiu Servisu Hapara Fuma ne’ebé Governu prepara hela iha Klinika Formoza Dili. Edifísiu Servisu Hapara Fuma ne’ebé Governu prepara hela iha Klinika Formoza Dili. Foto Tempo Timor

Tempotimor (Dili)-Governu liuhusi Ministériu Saúde (MS) loke fatin tratamentu iha Klinika Formoza ba sidadaun ne'ebé susar atu hapara fuma.

"Dalan seluk ne'ebé ita halo agora, ita loke fatin atu halo oinsa halo tratamentu ba ita sira ne'ebé susar tebes atu so'e sigaru, iha dalan barak ne'ebé ita bele halo", dehan Ministra Saúde, Odete Maria Freitas Belo, iha seremónia lansamentu hapara fuma iha Kliníka Formoza, tersa (19/10).

Tanba, fuma ida ne'e hahú husi joven idade 13 ba leten maibé Governu hanoin ida ne'e sai hanesan problema fuma, problema ba nasaun ida liga ho sosiál, ekonomia nasaun nian, Governu kria dekretu lei ida ne'ebé ko'alia kona-ba oinsá atu prevene tabaku.

Iha parte seluk iha mós publisidade no promosaun sigaru nian ho figuru oioin kona-ba prevensaun tabaku liuhusi mídia eletronika no imprime.

Enkuantu ida ne'ebé mak susar tebes atu implementa mak ko'alia kona-ba hasa'e folin sigaru nian tanba  Governu bele haree oinsá mak susuben ka hahán ne'ebé hatama husi alfandega ho folin ne'ebé baratu maibé sigaru ne'e nia folin bele hasa'e.

"Ita haree katak sigaru ne'e sai hanesan parte ida estraga ita no parte seluk mós hadia ita-nia rendimentu balun ho taxa ne'ebé aas, ho asuntu sira hanesan iha kompaña barak hakarak halo sigaru no ita ko'alia asuntu business sigaru nian ne'ebé daruma nasaun susar foti desizaun ba asuntu ida ne'e, maske ita hatene katak sigaru ne la di'ak ba ita", esplika nia.

Diretór Nasinál Alfándega, Julião José Ximenes hatete, implemtenta ona dekreitu lei númeru 14/2016 ba rezime kontrola tabaku, ba importasaun tabaku liuhusi fronteira, tasi aereu nomós terestre.

"Improtasaun ita kompara iha tinan hirak liuba, bainhira importadór sira ne'ebé iha interese atu halo importasaun, maibbé depois ita halo lei ne'ebé mak atu kontrola tabaku ne'e, bainhira sira hakarak atu importa tabaku mai iha Timor-Leste halo uluk pedidu ba Ministériu Saúde antes loron 30, Ministériu Saúde aprova mak sira foin halo importasaun”, dehan nia.

Tanba uluk kompaña barak, maibé agora kompaña Nasionál ho internasinál tolu ka haat mak halo importasaun ba tabaku.

Bainhira tabaku ne'ebé mak tama ona iha Timor-Leste, iha autorizadu, sira ne'ebé mak tabaku ilegál iha regra no prosedimentu atubele prende no bele distribuisaun ba prosedimentu sira ne'ebé iha.

Haree ida ne’e Mak kompara ho tinan lima liuba, importasaun tabaku as tebes, bele dehan millaun 1200  kilograma tabaku, hafoin implemta komesa reduz ona menus 400 kilograma tabaku. (*)

 

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter