Login to your account

Username *
Password *
Remember Me

MAPKomS Enkoraja Komunidade Daisoli Simu Vasina Kontra Covid-19

Ministru Asuntu Parlamentár no Komunikasaun Sosiál (MAPKomS), Francisco Martins Jerónimo. Ministru Asuntu Parlamentár no Komunikasaun Sosiál (MAPKomS), Francisco Martins Jerónimo. Foto Suplay

Tempotimor (Dili)-Ministru Asuntu Parlamentár no Komunikasaun Sosiál (MAPKomS), Francisco Martins Jerónimo, enkoraja komunidade suku Daisoli, Postu Administrativu Aileu Vila, Munisípiu Aileu, atu hakbesik-an ba sentru saúde hodi simu vasina kontra Covid-19.

"Husu ba komunidade sira atu hakbesik-an ba sentru saúde hodi simu vasinasaun, nune’e bele proteje ita-nia an, ita-nia família liuliu iha ita-nia komunidade nomós ba ita-nia nasaun”, dehan Ministru Francisco Martins, bainhira hala'o Kampaña vasinasaun Covid-19 iha Suku Daisoli, Postu Administrativu Aileu Vila, Munisípiu Aileu, tersa(19/10).

Tanba, importante tebes atu komunidade sira partisipa no rona diretamente bainhira membru Governu sira marka prezensa hodi halo advokasia no esplika kona-ba lala’ok vasinasaun liuliu vantajen husi simu vasinasaun ne’e rasik.

Ho ida ne’e, ema hotu tenke kontribui hodi bele iha sirkulasaun livre ba kualkér atividade ne’ebé hakarak halo, liuliu ba negosiante sira atu fa’an sira-nia sasán.

"Se ita rona no partisipa másimu iha vasinasaun, ne'e ita kontribui ona, no livre atu halo sirkulasaun ba atividade hotu ne'ebé ema hotu hakarak halo, liuliu ba ita-nia negosiante sira, sira bele fa’an sasán ho livre”, dehan nia.

Aleinde ne'e MAPKomS husu ba komunidade no partisipante sira hotu, atu labele rona liu lia-falsa sira ne’ebé mak espalla iha mídia sosiál nomós iha sosiedade nia leet. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter