Print this page

Ekipa MTKI Konsege Hasa’e Pursentu Vasina Iha Baukau

By October 20, 2021 783
Ekipa MTKI ne'ebé apoiu ekipa servisu saúde iha Munisipíu Baukau. Ekipa MTKI ne'ebé apoiu ekipa servisu saúde iha Munisipíu Baukau. Foto Tempo Timor

Tempotimor (Baukau)-Ekipa Ministériu Turísmu, Komersiu no Indústria (MTKI) hala’o kampaña vasinasaun iha Postu Administrativu Vemasse ho Baukau Vila, Munisipíu Baukau, konsege hasa’e pursentu vasina.

Asesor politika MTKI, Bazilio Soares Marquez informa, antes ne'e, ekipa servisu saúde Baukau mesak halo kampaña vasinasaun ba komunidade sira ne'e ho pursentu ne'ebé ki'ik tebes, maibé hafoin apoiu husi ekipa MTKI pursentu hahú sa'e.

"Prezensa MTKI nian iha Baukau postu rua Vemasse no Baukau-Vila hatudu duni nia progresu di'ak", dehan nia iha aredóre Tribunál Distritál Baukau, tersa (19/10).

Sensebelizasaun kampaña vasinasaun ne'e, fó informasaun lós no klaru ba komunidade sira, tanba planu governu sosa vasina atu proteje nia populasaun husi moras covid-19.

Nune’e, pesoal saúde, Adélia de Jesus Gaio, mós sente kontente ho apoiu membru Governu sira nian, tanba ho apoiu ne’e, hahú hasa’e pursentu vasinasaun.

Dadus Munisípiu Baukau tomak nia parte ladun hatene, maibé ba postu saúde Riamare kada loron pursentu vasina kontinua sa'e.

"Dadaun ne'e sira-nia apoiu hahú pursentu sa'e ona, tanba uma ne'ebé mak do'ok husi estrada mós ami kobre hotu", afirma nia. (*)

 

Rate this item
(1 Vote)
Last modified on Wednesday, 20 October 2021 07:30
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com