"Ami informa ba Prezidente asuntu saúde nian, postu saúde ne'ebé aloka ona iha suku no aldea balu, maibé pesoál saúde ne'ebé hodi asisténsia médiku seidauk iha, tanba ne'e ami ekipa komunidade Lautein nian hato'o ba Prezidente”, dehan nia hafoin sorumutu ho PR Lú Olo iha Palásiu Prezidente Bairopite, segunda (18/10).

Tanba Komunidade Lautein hakarak ne'e aloka pesoál saúde permanente iha postu saúde ne'ebé iha ona, nune'e bele halo antendementu ba asisténsia médiku iha komunidade nia let.

Enkuantu liga mós ba infraestrutura nian kona-ba estrada entre Munisípiu ba postu administrativu sira ne'ebé aat liu ona maibé seidauk hadi’a.

"Ami hakarak ne'e iha área rurál sira postu administrativu, suku, aldea sira povu bele asesu hotu estrada ne'e, nune'e produtu lokál sira bele mai fa’an e kestaun tékniku ba saúde sira mós bele atende ba inan isin-rua sira atu fasilita transporte liu di'ak", esplika nia.

Entretantu iha Munisípiu Lautein iha aldeia 152 maibé 22 aldeia seidauk iha eletrisidade. (*)