Login to your account

Username *
Password *
Remember Me

EUA Apoiu Pfizer Doze 100.620, TL Sei Salva Labarik Husi Covid-19 

Enkaregadu Estadus Unidus Amérika iha Timor-Leste, Tom Daley (los) entrega hela Vasina Pfizer 100.620 ba MS, Odete Maria Freitas Belo (klaran) akompaña husi Rezentante UNICEF Timor-Leste, Bilal Durrani (karuk) iha SAMES Kampung Alor, segunda (18/10). Enkaregadu Estadus Unidus Amérika iha Timor-Leste, Tom Daley (los) entrega hela Vasina Pfizer 100.620 ba MS, Odete Maria Freitas Belo (klaran) akompaña husi Rezentante UNICEF Timor-Leste, Bilal Durrani (karuk) iha SAMES Kampung Alor, segunda (18/10). Foto Tempo Timor

Tempotimor (Dili)-Estadus Unidus Amérika (EUA) apoiu vasina Pfizer hamutuk doze 100.620 ba governu liuhusi Ministériu Saúde (MS) hodi Salva labarik ho idade 12 no 18 husi Covid-19.

"Hodi povu Amérika nia naran prazer ida mai ha'u atu fó benvindu segada doze vasina Pfizer nian ne'ebé seguru no efikas hamutuk 100.620, kontribuisaun ida husi Estadu Unidus ba povu Timor-Leste", dehan Enkaregadu Estadus Unidus iha Timor-Leste, Tom Daley, iha SAMES Kampung Alor, segunda (18/10).

Kontribuisaun iha loron ida ne'e sai hanesan primeiru oportunidade ba labarik sira ho tinan 12-18 atu hetan vasinasaun ho seguru efikas hasoru Covid-19 no sei proteze labarik besik rihun-48.000 iha Timor-Leste hodi hasoru efetivu  aat sira liuhusi Covid-19.

"Vasina hirak ne'e sei salva ema barak nia moris no entrega vasina ida ne'e hein katak ho vasina ida ne'e, sei lori normalidade ba ema timoroan sira hotu”, afirma nia.

Ministra Saúde (MS), Odete Maria Freitas Belo hatete, doasaun husi Governu Estadus Unidus Amérika ne'e fundamental tebes ba Governu nia esforsu hodi vasina labarik sira tinan 12 no 18 mai kraik hodi proteje sira husi impaktu Covid-19.

"Ne'e aumenta Governu Timor-Leste nia esforsu atu garante ema barak iha país ne'e simu vasina kontra Covid-19 no reduz impaktu ba ema moras no ita-nia sistema saúde”, drhannOdete.

Enkuantu loron ba lansamentu vasina Pfizer, dadaun ne'e Ministériu Saúde hanoin entre loron 25 ho 26 Outubru no sei la fó hotu ba eskola sira maibé sei indentifika eskola sira ne'ebé mak idade 12 ate 17 barak liu iha Dili laran ninian no oportunidade ba Likisá. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter