“Ha'u kontente los tanba nia (kazu) bele tun, ne'e siknifika katak, ita-nia kampaña vasinasaun liliu hanesan fó parabéns ba Dili tanba primera doze, segundu doze kuaze utrapara pursentu 70 ital ne'e di'ak los”, dehan Taur hafoin enkontru ho Prezidente Repúblika, Francisco Guterres 'Lú Olo', iha Palásiu Prezidente Bairopite, kinta (14/10).

Kona-ba persentajen nível nasionál seidauk atinje pursentu 70, pratikamente nível nasionál segundu doze pursentu 40, primeira doze pursentu 60.

“Ita sei dook liuhusi target ne'ebé ita hakarak dezembru ne'e ita atinje  pursentu 80, maibé espera ita bele atinje ne'e di'ak tanba bele ajuda ita normaliza fali ita-nia situasaun liliu fasilita ita ba atividade tinan oin eleisaun prezidensiál ho atividade ekonomia”, afirma nia.

Enkuantu, Prezidente Repúblika rekomenda katak presiza halo esforsu atu asina sira ne'ebé iha tenke utiliza hotu.

“Ami halo hela e espera katak ita bele aplika hotu vasina ne'ebé ita iha”, deklara nia.

Entretantu vasina ne'ebé Governu simu hamutuk millaun 1.3 maibé sei iha rihun-103 resin ne'ebé seidauk aplika. (*)