“Objetivu primeiru mak hasa'e taxa Vasinasaun, kuandu ita simu vasina ita livre ona, Xefe Suku sira simu programa dezenvolvimentu hodi la'o se vasina la la'o ita keta hein dezenvolvimentu tama”, dehan António iha Suku Lauana, tersa (12/10).
Tanba komunidade sira la simu vasina sei impede dezenvolvimentu iha suku sira ba sidadaun la simu vasina.
“Tanba serka ona dezenvolvimentu labele la'o administradór labele tun, se administradór la tun xefe suku labele halo buat ida, ita dehan dada bee osan mai husi ne'ebé, ita halo hariis fatin ruma osan mai husi ne'ebé?. Osan mai husi ne'ebé?. Osan mai husi estadu”, afirma nia.
Ho ida ne’e, sidadaun tenke simu vasina atu atinje volume taxa vasina nian hodi nune'e dezenvolvimentu bele la'o ho di'ak, nune'e komunidade sira bele la'o tama sai fronteira (pontu entrada) sira ho livre. (*)