“Ha'u hanoin suku ida ne'e tanba aldeia mós iha mais populasaun ne'e ki'ik, totál populasaun ne'e hamutuk 2.609, maibé ema ne'ebé simu ona vasina iha semana kotuk hamutuk 1.507 e seidauk konta loron ohin nian”, dehan Carlos ba www.tempotimor.com, tersa (12/10).
Iha atividade ne'e kampaña vasinasaun ne'e akompaña mós husi Pesoál saúde sira atu nune'e bele fó vasina direta ba komunidade sira, hafoin rona informasaun husi membru Governu.
Pesoál Saúde, Rofinus Tomas Fernandes hatete, sira deside sei tama sai suku hodi fó vasina ba komunidade sira ne'ebé hakarak.
"Loroloron ami la'o ne'e nia atinjimentu hanesan de'it mak 15 mais ida ohin ne'e ita haree ba seidauk oituan tanba antes ne'e ami mak zero (0) ema partisipasaun laiha tanba ohin ne'e ita haree tanba sira eselénsia balun mai, sira mai halibur komunidade sira iha ne'e, ami mós to'o oráriu pas hanesan ne'e di'ak”, dehan nia.
Iha loron tersa (12/10) Pesoál saúde destaka iha fatin rua hanesan aldeia Hatumbei, no Suku Katrai Kraik pertense ba Postu Administrativu Letefoho, Munisípiu Ermera iha aldeia hamutuk 9 no populasaun 2.609 ne'ebé simu ona vasina hamutuk 1.507. (*)