Login to your account

Username *
Password *
Remember Me

PM Konsege Konvense Komunidade Kuaze 200 Simu Vasina Doze Dahuluk

Médiku Jerál iha Sentru Saúde Letefoho Munisípiu Ermera, Rofinus Tomas Fernandes. Médiku Jerál iha Sentru Saúde Letefoho Munisípiu Ermera, Rofinus Tomas Fernandes. Foto Tempo Timor

Tempotimor (Ermera)-Médiku Jerál iha Sentru Saúde Letefoho Munisípiu Ermera, Rofinus Tomas Fernandes hatete, prezensa Primeiru Ministru (PM), Taur Matan Ruak, iha Postu Administrativu Letefoho konsege konvense komunidade kuaze 200 hakat ba sentru vasinasaun hodi simu vasina doze dahuluk.

"Iha Munisípiu Ermera sidadaun simu vasina paling tun liu mak Letefoho ona, Letefoho tun liu tanba kuaze ema sira iha ne'e ladún interese atu simu buat sira ne'e, ezemplu hanesan horisehik ne'e mak foinsa'e oituan, iha loron ida ami vasina ema atu besik to'o atus rua tanba horisehik ne'e primeiru Ministru mai ne'ebé sa'e oituan”, dehan nia ba www.tempotimor.com iha suku Katrai Kraik, tersa (12/10).

Ho prezensa PM ne’e garante ba oin volume sein aumenta maka'as tanba membru Governu sira kontinua halo kampaña vasinasaun iha suku sira.

"Ami-nia perspetiva ba oin ne'e sei aumenta tanba ho ita-nia lideransa sira mai, fó hanoin ba sira loke sira-nia hanoin atu nune'e sira partisipa tanba ami mesak de'it mós dalaruma repete ba repete dalaruma ami mak sai fali vítima rasik”, afirma nia.

Difikuldade ne'ebé  hasoru mak durante ne'e komunidade barak mak konsumu informasaun falsu (hoax) no menus informasaun tanba komunidade barak mak seidauk asesu eletrisidade no la simu informasaun loloos husi pesoál saúde no membru Governu sira.

Maibé pesoal saúde sira iha Munisípiu refere kontinua movel hodi tama sai sentru saúde hodi fó vasinasaun ba sidadaun ne'ebé hakarak vasina.

Dadaun ne'e, Postu Administrativu Letefoho, Munisípiu Ermera komunidade sira simu vasina atinje ona pursentu tolunolu-resin-tolu, (33%). (*)

Rate this item
(0 votes)
Last modified on Wednesday, 13 October 2021 16:17
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter